1. Phawngpui South Pastor Bial-in Bualpui ‘Ng’ biak in-ah Bial KNP inkhawmpui an nei a. Speaker atan Rev. Lalramhluna Chhangte, Bialtu Pastor hmangin, an thupui chu “Intihsiakna tha” (I Timothea 6:12) tih a ni.
2. Zawlpui Pastor Bial-in Immanuel biak in, Zawlpui-ah Bial KNP inkhawmpui an nei a. Speaker atan Rev. V. Lalramthara Bialtu Pastor hmangin an thupui chu “Thianghlimna” tih a ni.
3. Bungtlang South Pastor Bial-in Hermon biak in, M. Kawnpui-ah bial KNP inkhawmpui an nei a. Speaker atan Rbt. Lalramhluna Pachuau KNP Trainer hmangin an thupui chu “Naupangte leh tunlai khawvel” tih a ni.

Bungtlang South Pastor bial-ah hian KNP unit panga an awm a, chungte chu Hermon unit, M. Kawnpui unit, Elim unit, Bungtlang South unit leh Zion unit-te an ni.

Inrinni chawhmaah intihsiakna unit zaipawl leh Group recitation hmangin inelna neih a ni a. Chawhnuah hruaitu training neih chhunzawm nghal a ni bawk.

Naupangte leh zirtirtu te’n nuam an tiin hlawk an ti hle. Pathianni zan inkhawm banah zaikhawmin inkhawmpui a tiak a ni. Bungtlang Bouth KNP inkhawmpuiah hian mikhual riak lut 201 an awm a ni.

1. Champhai Pastor Bial -in North Khawbung biak in-ah KNP inkhawmpui vawi 22-na an nei a. Speaker atan Pu H. Muansangpuia, KNP Trainer  hmangin an thupui chu “Naupangte leh tunlai khawvel” tih a ni.

Champhai Pastor bial-ah hian KNP unit panga an awm a, chungte chu Tualcheng unit, North Khawbung unit, Kahrawt unit, Emmanuel unit leh Ngur unit-te an ni.

Pathainniah malzai, zaipawl, Group recitation leh thurin kaihthawi hmangin intihsiakna neih a ni. Heng bakah hian Bible quiz hmangte in in elna neih a ni bawk.

Pathianni zanah result puanna neih a ni a. Naupangte leh zirtirtute’n nuam an tiin hlawk an ti hle. Pathianni zanah inkhawmpui hi a tiak a ni.

1. Muallianpui Pastor Bial-in bial KNP inkhawmpui vawi 8-na Muallianpui South biak inah an nei a. Speaker atan Tv. Joseph Lalsangliana, KNP Trainer hmangin an thupui chu “Naupangte Isuan min ko” tih a ni.

Muallianpui Pastor bial-ah hian KNP unit panga an awm a, chungte chu Muallianpui South unit, Muallianpui North unit, S. Lungleng unit, Lungpuitlang unit leh New Kawnpui unit-te an ni.

Inrinni chawhmaah 'Nun kawng dik inzirtirna' neih a ni a, chawhnuah Praise & Worship hun hlimawm tak neih chhunzawm a ni.

Naupangte leh zirtirtute’n nuam an tiin hlawk an ti hle. Pathianni zan inkhawm banah inkhawmpui a tiak a ni. Tun tum Muallianpui Pastor bial KNP inkhawmpuiah hian mikhual riak lut 80 vel an awm a ni.

1. Hauruang Pastor Bial KNP-inkhawmpui vawi 39-na hi Immanuel biak in Hauruang-ah neih a ni a. Speaker atan Rbt. Jack Lalfakawma Zadeng KNP Trainer hmangin an thupui chu “Naupangte leh thuawihna" tih a ni.

Hauruang Pastor bial-ah hian KNP Unit pathum Runtung unit, Immanuel unit leh Hauruang unit-te an awm a ni.

Inrinni nilengin item hrang hrang hmangin intihsiakna neih a ni a, zan lamah thupui neia inkhawmna hun hman chhunzawm a ni.

Pathianni zingah sermon inkhawm neiin, chawhnuah fellowship cum awareness campaign neih a ni. Awareness campaign-ah hian ruihhlo ţhat lohzia inzirtirna hun hman a ni a, zan lamah inkhawmpui thupui ngaithlak chhun zawm a ni. Inkhawmpui hi Pathianni zanah a tiak a ni. 

Hauruang pastor bialah hian KNP member 170 vel an awm a, member zawng zawng inkhawmpui kal anga ngaih a ni. Tun tum KNP inkhawmpui chhung hian bial chhunga biak in zawng zawng khar a ni a. Kohhran hruaitu, thalai, nu leh paten KNP inkhawmpui an tawiawm tha hle.

1. Serte Pastor Bial-in Vanhne biak inah bial KNP inkhawmpui an nei a. Speaker atan Nl. H. Lalawmpuii, KNP Trainer hmangin an thupui chu “Naupangte leh tunlai khawvel" tih a ni.

Inkhawmpuiah hian Group recitation, solfa zai, Bible quiz, lengkhawm zai leh Kristian hla bu hmangin intihsiakna neih a ni a. Heng bakah hian solo, recitation, zaipawl leh group zai te an awm bawk. Pathianni chawhnuah bialtu pastor Rev. R. Lalramchhana hnen atangin Ruihhlo thatloh zia chungchang zir ho a ni bawk.

Serte Pastor Bialah hian KNP unit panga, Sertlangpui Unit, Serte Unit, S. Lungdai Unit, Thuampui Unit leh Vanhne Unit te awm a ni. Inkhawmpuiah hian KNP member 150 an riaklut a ni

1. Phuldungsei Pastor Bial -in Lallen biak in-ah bial KNP inkhawmpui vawi 18-na an nei a. Speaker atan Rev. Jacob Lalnunhlua, Bialtu Pastor hmangin an thupui chu “Kristian naupangte mawhphurhna " tih a ni.

Inkhawmpuiah hian item pali (4) Action recitation, Solo, Zaipawl (solfa) Khuanghnih hla/ Lengkhawm zai hmangtein intih siakna neih a ni.