Mizoram Baptist Kohhran, Assembly vawi 129 -na BCM Biak In Chanmari-a neih mek-ah, vawiin  March 9, 2025 (Pathianni) zing dar 10:00 khan Pastor nemngheh inkhawm (Ordination Service) neih a ni.

Nemngheh inkhawm hi Rev. Dr. R. Lalbiakliana, General Secretary BCM-in a kaihruai a, Rev. Vanlalmuankima, Director, Pastoral Department chuan Minister nemngheh turte hmel hriattirna neiin Rev. Dr. Raltawnga Chhakchhuak-in tawngtaisakna a nei a. Rev. Dr. C. Vanlaldika, BCM President chuan Minister Nemnghehna a neih hnu-ah fuihna thu leh thuchah a sawi. Nemngheh Inkhawmah hin BCM Choir leh Chanmari Pastor Bial Zaipawl ten Pathian fakna hla remin, Rev. LB. Khawpuimawia’n malsawm tawngtaiin inkhawm a tin a ni.

Tun tum Assembly-ah hian minister atan mi 5 nemngheh niin, probation hun hmang zo tawh, Pastor Biala awm turte an ni.

Pastor atana Nemngheh te:

1. Lalduhawma                 Paithar Biala awm tur

2. Vanlalthansanga           Damdep Biala awm tur

3. V. Lalramthara               Zawlpui Biala awm tur

4. Johana                          Vathuampui Biala awm tur

5. C. Zomuankima             Parva Biala awm tur