May 31, 2023 (Nilaini) chawhnu dar 2:00 khan Superannuation pension-a chhuak tur -  Pi K. Zolawmi, Baptist Church Orphanage-a Mother thlahna, BCO building-ah neih a ni a. He hunah hian Rev. L. Vanlalsanga, Director, Social Concern Department-in hmanpuiin, BCM thawktute leh naupang te nen hun an hmang a ni.

Thlahna inkhawm hi Rev. H. Vanlalruata, Manger BCO-in a kaihruai a, BCM leh Department aiawhin Rev. L. Vanlalsanga’n thu a sawi a, Naupangte hnen atangin Special Item – ngaihtlak a ni a, Pi K. Zolawmi leh BCO thawktu te hnen atangin thusawi ngaihthlak a ni bawk. Assembly leh BCO thilpek hlan a ni bawk.

Pi K. Zolawmi hi 1993-ah BCO –ah a thawk tan a, September 1, 1996-ah hna nghet-in a lut a, kum 30 zet BCO tan chawl lovin a hun a hmang a ni. Pension hun a lo thlen hian BCO-a thawktute mai ni lovin Kohhran te leh BCM hruaitute chuan an ui hle a. A inpekna leh a thawhrimna te, Fahrah Naupangte hmangaih leh duh taka a enkawl thin te chu BCM chuan chhuanawm a tiin, a kal zelna turah duhsakna a hlan a ni.