Hun hman dan tur: He hun ruat hi inkhawm anga hman tur a ni ang a, Detailed Programme chu Tualchhung Kohhranin tul leh tha a tih angin a siam ang. ........................... Down : Tawngtai Programme.docx RAM PUM HUAP TAWNGTAI PROGRAMME A HUN : SEPTEMBER 29, 2018 : Inrinni : 11:00 AM - 3:00 PM

1. LAWMTHU SAWI TAWNGTAINA (11:00 - 11:30 AM).

Tawngtai  vawi 1-na (15 mins). Bible chhiar tur Rom 10:14-18

1. Pathianin Missionary-te hmanga Chanchin Tha min pek avangin.
2. Chanchin Tha avanga hamthatna kan chan zawng zawng avangin.
3. Chanchin Tha avanga kohhran duhawm tak min pek avangin.
4. Zirna School, University thlenga kan neih theih tak avangin.
5. Damdawi lam hmanga kan ram hmasawnna avangin.

  Tawngtai vawi 2-na (15 mins). Bible chhiar tur Ephesi 1:3-12.

1. Kan rama Pathian tih mi leh ngaihsak mite avangin.
2. Kan ramin tawng chi khat hmanga Pathian chibai kan bukho theih avangin.
3. Kohhran hruaitu tha tak tak min la pek zel avangin.
4. Sik leh sa tha tak mai Pathianin min pek zel avangin.
5. Tisa leh thlarau lam malsawmna tam tak kan dawn avangin.
6. Sawi belh duh tan hun hawn ni se.

 

2. SUAL THUPHACHAWI TAWNGTAINA (11:30 - 12:00 NOON).

Tawngtai vawi 3-na (15 mins). Bible chhiar tur Sam 36:1-4.

1. Pathian tihna leh zahna thinlung kan neih tlem tulh tulh avangin.
2. Pathian thu pawisak lohna kan neih len tak em avangin.
3. A der maia ringtu, kristianna kawra kan hman nasat tak em avangin.
4. Eiruk leh hlemhletna suala kan tlukluh zel avangin.
5. Hmangaihna leh khawngaihna kan tlakchham tial tial avangin.
6. Mahni hmasialna leh khawvel ngainatna suala kan tluk nasat em avangin.

  Tawngtai vawi 4-na (15 mins). Bible chhiar tur Nehemia 1:6; Jeremia 14:20.

1. Rukruk, pawngsual leh tualthahna a nasat tak em avangin.
2. Zu leh ruih theih thilin kan ramah bu a khuar nasat em avangin.
3. Kohhran leh ramah kan nihna changchawia thuneihna kan hman sual nasat     thin em avangin.
4. Mipat hmeichhiatna suala kan ram a tlukluh nasat tak em avang leh chumi     avanga uirena leh pawngsual a nasat tak em avangin.
5. Kristian ram inti si a, kan rinawm loh em avangin.
6. Thawh belh duh tan hawn ni se.

 

3. KHAWTLANG NUN SUAL AVANGA TAWNGTAINA (12:00 - 12:30 PM).

Tawngtai vawi 5-na (15 mins) Bible chhiar tur Jeremia 6:9-15.

1. Kan ramah beidawnna sual um bo a nih a, beiseina eng kan neih theih nan.
2. Kan khawtlangah ruihhlo a hluar zel loh nan, a zuartuten an sim theih nan.
3. Rukruk, pawngsual leh tualthah a lo reh a, Pathian ram a lo thlen theih nan.
4. Ruihhlo leh mipat hmeichhiatna avanga HIV+ a pun zel loh nan leh henga               inhmang thinten an sim theih nan.
5. Mipat hmeichhiatna sual hi um bo a nih a, Pathian lam kan hawi theih nan.
6. Sawi belh duh tan hun hawn ni se.

  Tawngtai vawi 6-na (15 mins) Bible chhiar tur Johana 17: 9-11; 17-19.

1. Khawtlanga kan nunhona tichhe thei, mahni hmasialna leh duhamna tha lo             a lo bo va, inlaichinna tha Pathian avanga kan neih theuh theih nan.
2. Thamna leh hleprukna bawlhhlawh malmaka a awm a, Pathian thutak kan                nuna a lal zawk theih nan.
3. Kan ram leh khawtlangah rinawm lohna sual um bo a nih a, rinawmna leh            dikna tundin a nih theih nan.
4. Tu amah inpawisak lohna sual te, khawngaihna leh lainatna neih lohna               sualte hi a lo bo a, Kristian nun mawi chu khawtlangah a par theih nan.
5. Khawtlang nun sual veina leh huatna mipui mimirin kan neih theih nan.
6. Sawi belh duh tan hawn ni se.

 

4. CHHUN CHAWLH (12:30 - 01:00 PM).

 

5. RAM TANA TAWNGTAINA PART - I (01 - 01:30 PM).

Tawngtai vawi 7-na (15 mins) Bible chhiar tur Sam 121 1-8.

1. India ram pumah sakhaw zalenna a awm theih nan.
2. Prime Minister, Cabinet Ministers, MP (Lok Shaba & Rajia Shaba)-a ram     roreltute tan. Chi leh chi inthliarna nei lova ro an rel theih nan.
3. Mizoram State Chief Minister, Cabinet Ministers leh MLA te tan. Dik tak leh fel taka mipui hmangaihna tak tak neia ro an rel theih nan.
4. Kan ram leh khawtlang hruaitute’n Pathian an hmuh chian a, amah tih leh zah tak chunga dikna laltiang hmanga ro an rel theih nan.
5. Kan rama NGO te zingah ram leh hnam tana thawhhona tha a awm a, kan  ram leh hnam leh kristianna humhimtu an nih zel theih nan.

            Tawngtai vawi 8-na (15 mins) Bible chhiar tur Ezekiela 22:23-31.

1. Kan hma lawka Member of Legislative Assembly (MLA) inthlan awm turah    Pathian leh mipui hmangaihtu dik tak kan thlan theih nan.
2. Inthlanna thianghlim kan neih a, tangkaa inlei thin hi mipuiin kan malmak              ngam a, Party tinten an sim theih nan.
3. Politic tui nu leh bawlhhlawh lutuk hi a lo thianghlim zawk a, mipui pawhin              kan zalenna leh dikna dik taka kan hman theih nan.
4. Mipui chanai ei zova, mahni hmasial taka invulh len duhna thinlung a bo va,    Candidate-te’n ram leh hnam hmangaihna tak tak an neih theih nan.
5. Inthlan lo awm turah hian tharum thawh duhna te, dik lo taka mi zalenna  laksak leh sum leh pai hmanga inlei tlin tumna thinlung a bo theih nan.

 

6. RAM TANA TAWNGTAINA PART - II. (01:30 - 02:00 PM)

Tawngtai vawi 9-na (15 mins) Bible chhiar tur Thufingte 23 :26-35

1. Kan rama ruihhlo zual zel hi a lo tlem a, ruihhlo zuarten an lo sim theih nan.
2. Kan rama hmeithai leh fahrahte tan, belh tur dik tak Pathian leh kohhran belh nachang an hriat theih nan.
3. Kan ramah Pathian leh mihring nihphung dan pawisak lohna sual lo pung zel hi a lo tlem deuh deuh va, dikna dan tundin a nih theih nan.
4. Kan rama hmasawnna leh changkanna te hi Pathian chawimawin nan te,    tihropui nan te, a ram zau nan te kan hman thiam theih nan.
5. Kan ram (India)-a kristiante nekchepa kan awmna hi a lo kian a, Chanchin              Tha pek chhuah kawngah zalenna kan hmuh zel theih nan.

    Tawngtai vawi 10-na (15 mins) Bible chhiar tur Rom 2:6-11

1. Kan ram mipuite hi khua leh tui tha (good citizen) kan nih theuh a, kan nihna leh chanvo dik tak kan chan zel theih nan.
2. Kan ram natna leh dam lohna hi Pathian duh loh zawnga mipui mimir kan  awm vang a ni ber a, chuvangin Pathian duh zawng tia nung thei turin  Thlarau Thianghlim tihharhna i dik ang u.
3. Kan ramah hian Pathian mite’n hmun pawimawh an luah a, khawvel mite    malmaka an awm zel theih nan Thlarau Thianghlim hnathawh dil ila.
4. Mizoram State-a hnam hrang hrang awmte kan inpumkhat zel theih nan.
5. Kan ramah hian dan leh thupekin awmzia a neih zawk a, dan leh thupek    kengkawh tura thuneitute’n an thuneihna dik taka an hman ngamna turin.

 

7. KOHHRAN PUAL TAWNGTAINA (02:00 - 02:45 PM).

Tawngtai vawi 11-na (15 mins) Bible chhiar tur Sam 125:1-5

1. Kan ramah Isua Krista a Lal berna tura kohhran mite’n Thlarau Thianghlim               tihharhna kan chan theih nan.
2. Kan rama kohhran pawl hrang hrangte inunauna tha kan neih theih nan.
3. Piangsual leh rual ban lote tan kohhranin hmun kan siam thiam theih nan.
4. Kohhran huangah mi hausa leh rethei hlim tlang taka kan khawsakho zel theih nana kohhran hi a kal zel theih nan.
5. Kohhran hi Pathian thua tihnun a nih zel a, Pathian thu anga kohhran kan                   mite kan nun a, thuneitu bera kan hman zel theih nan.

  Tawngtai vawi 12-na (15 mins)  Bible chhiar tur I Timothea 3:14-16

1. Mizoram chhunga kohhran pawl hrang hrangte hian Pathian ram zia kan lan     chhuahtir theuh theih nan Thlarau Thianghlim hnathawh dil ila.
2. Kohhran pawl hrang hrang hruaitute’n Pathian avanga inlaichinna tha tak an neih a, Thlarau Thianghlim duh dana kohhran an hruai theih nan.
3. Kohhrana pawl (eg. TKP, BKHP etc.) hrang hrang hruaitute tan. Krista leh     kohhran tana hma an lak zel theih nan.
4. Kohhran member ruihhlo zuar leh ngai mite tan. An lo sima Pathian leh a     kohhran duh dana an nun theih nan duhsakna tak tak nen tawngtaisak ila.
5. Kohhran hruaitute tan. Pathianin a pek thuneihna an hman sual loh nan.

  Tawngtai vawi 13-na (15 mins) Bible chhiar tur Matthaia 28:16-20.

1. Mission Field hrang hrang (ram chhung leh pawn) tan. Field Director-te tan.  Field an enkawl thiam theih nan finna dilsak ila, thawktute nen thawhhona tha tak an neih theuh theih nan dil bawk ila.
2. Missionary-te tan. Hindu lalram din tumna India ram bika missionary-te tan.  Pathian ram tana an thawhna kawngah thiltihtheihna an neih theih nan.
3. Kohhran mipuite’n Mission rawngbawl hna kan thlir thiam zel a, Thlarau bo            veina thinlung kan neih zel theih nan.
4. Kohhran miten kohhran ngaihpawimawhna thinlung kan neih len zel theih            nan leh kan tih tur tha taka kan tih zel theih nan.
5. Kohhrana thawktu zawng zawng tan. Krista leh kohhran tana thahnemngai           taka an thawh zel theih nan.

 

8. INHLAN THARNA HUN (02:45 - 03:00)

Tawngtai vawi 14-na (15 mins) Bible chhiar Sam 139:23-24 & Rom 12:1-2           Hruaituin a thiam ang angin kaihruai sela, mahni inhlan tharna hun atan       hmang theuh ila.