#Mission Department Director hovin Rahsiveng Pastor Bialah Mission Convention neih a ni.
April 29 leh 30, 2023 hmang khan Rahsiveng Pastor Bial chuan BCM Bethel, Venghlun-ah Mission Convention neiin hun an hmang a. Speaker-ah Rev. Lalremsiama Ralte, Mission Director hmangin thupuiah “I rawngbawlna kha hlen rawh” (II Tim 4:5) an hmang. Convention lai hian Tualchhung Kohhran Zaipawl te, Bial Zaipawl te leh mimal zaithiam ten zaia rawngbawlna neiin Fellowship Department atangin BMP te pawhin rawngbawlna an nei thin a, Inrinni zan atangin, Pathianni zing leh pathianni zanah te Speaker-in thuchah sawiin, Pathianni chawhnu-ah inpawlhona neih a ni bawk.
Upper Assam Field-ah MABA hnuaia Evangelist te pualin Training neih a ni.
May 2, 2023 khan BCM Mission-a kan thawhpui - Madhya Assam Baptist Association (MABA) hnuaia Evangelist rawih mek te pualin Golaghat Baptist Kohhran-ah Training neih a ni a. Training thupuiah Lithuk lam pan la,sangha man turinin lentedengrawh” Luka 5:4 tih thu hman a ni. Field Director Rev. HS Lalramnghaka leh Missionary Pou C. Lalramnghaka ten he Training hi buaipuiin Speaker/Resource person niin, anni bakah hian Rev. Dipu Nanda Executive Secretary, MABA leh ProbudhTopno, President, MABA ten hun an hmang bawk. He Training-ah hian Evangelist 25 kal khawmin MABA hruaitute leh Assam Baptist Convention-a hruaitute bakah BCM Missionry ten an telpui a ni.
Pangzawl Bial te Roing, Apruncahal Far-East-ah Work Camp an nei.
Pasngzawl Pastor Bial TKP chuan, April 17-25 chhung khan Arunachal Far East Field, Roing-ah Work Camp an nei a. Member 20 (Mipa 18 leh Hmneichhia 2) an kal a ni.
April 14, Zirtawpni-ah Pangzawl chhuahsanin Apri ni 16 tlaiah work camp na hmun an thleng a. April 17-ah hna thawk tanin, April ni 25 thlengin hna hi an thawk a, an zawh fel hnu-ah April 26-ah Arunachal chhuahsanin an haw ta a ni. An cham chhung hian Mount Carmel Mission School hostel chhawng sak belh (vertical extension) hna thawkin Hostel tur adung feet 64, avang feet 16 a lian an sa zo a, hei bakah hian Bathroom 6 leh hna tul dang te pawh an khawih tel nghal a ni.
Serkawn Pastor Bial Zaip^wl -in, Arunachal West Field an tlawh
Serkawn Pastor Bial Zaip^wl member 14 te chuan Planning-a an lo dah angin, Arunachal West Field tlawhin an feh chhuak a. April 19, 2023-ah chhuakin Midland Education Center, Ziro te, Huto English School, Nirjuli te an tlawh a, Adi Baptist Union |halai intawhkh^wmnaah telpuiin hun an hmang bawk. Mission Field-a an cham chhung hian Missionary te thawhna kohhran hrang hrang tlawhin rawngb^wlna an nei a ni. April 24, 2023 kh^n Arunachal Pradesh chhuahsanin Pathian z^rah dam takin an lo thleng ve leh t^ a ni.
Baptist Masihi Mission rawngbawlnaah ringthar an awm belh zel.
Baptist Masihi Mission leh Zobawk Bial te tangkawpin Zobawk dai a Kawngpui laitute zingah rawngbawlna neih chhunzawm zelin May 2 zan khan mi 3-in Baptisma an chang a. (Kumin chhungin 133 kan nei ta). Tunlai hian Hnahthial leh Saiha road ah pawh Crusade kalpui mek a ni a, ringthar report pawh an neih belh mek a, remchang hmasa berah baptisma channa buatsaih a ni ang.
Missionary pali-in Furlough Deputation Programme an hmang mek.
BCM Missionary pali, Nl. Zohmingthangi Khiangte, Tripura Field, Pu Siamkima Khiangte, Assam Field, Pu K. Lalzuimawia, Arunachal East Field leh Nl. F. Lalsawmliani, Assam Field a thawk te chu Furloug Deputation Programme hmangin an l o chuak a, hetiang hian Bial hrang hrangah hun an hmang ang:-
#Nl. Zohmingthangi Khiangte, E.T, St. James Higher Secondary School, Tripura Field chuan April 29-May 7 chhung hian Lawngtlai South Bialah hun hmang mekin, May 20-28-ah Diltlang Bial leh June 1-4 –ah Thenhlum Bialah te Furlough Programme hmangin Kohhran hrang hrang ah hun a hman chunzawm ang.
#Pu Siamkima Khiangte, Evangelist, Lalmati, Assam Field-a thawk te chhungkua chu May 3-10 chhung hian Rahsiveng Pastor Bialah hun hmang mekin, May 23-17 ah Phawngpui West Bial leh May 20-24 ah Chawngte East Bialah te Furlough Programme hmangin Kohhran hrang hrang ah hun a hmang ang.
#Pu K. Lalzuimawia, Evangelist, Arunachal East Field chuan May 5-7 chhung hian Phawngpui South Bialah hun hmangin, May 10-17-ah Vairengte Bial leh May 20-24 –ah Hnahthial South Bialah te Furlough Programme a hman chunzawm ang.
#Nl. F. Lalsawmliani hian Muallianpui Pastor Bial-ah June 7-11 ah Furlough Programme hmang tanin, June 14-18 chhungin Leite Pastor Bial-ah a hmang leh ang a, Serkawn Pastor Bial-ah June 21-25-ah te a hman chhunzawm leh ang.
