March 28, 2023 (Thawhlehni) khan BCM Relief & Development Department thawktute chuan Zawlpui, Tuisenchhuah leh Bolia-ah te kalin, Huan leh lo neitute hnenah Fur laia thar theih thlai chi, chi hrang hrang an sem a, R&D thawktute – Nl. T. Lalfawnveli, Assistant coordinator, Pu K. Lalrinkima, Project accountant leh Pi R. Zonunsangi, LDC te kalin thlai chi hi an sem a ni. Tun tumah hian lo leh huan neitu Chhhungkaw 30 hnenah thlai chi tha - Sweet corn, Mai, Changkha, Bawrhsaibe leh Behlawi sei chi te pek an ni.

Relief & Development Department leh Canadian Baptist Ministry te thawhho na hnuaiah 'Khawtlang Hmasawnna Hna' kalpui mek a ni a. Hemi hnuaiah hian Lo leh Huan neitute hmasawnna leh tanpuina atan khawthlang tlang dung khaw 3 atangin Lo leh huan neitu thlanchhuah chhungkaw 30 te hnenah zirtirna pek thin a ni a, he Program bik atan hian Thlaichi Rs. 200,000/- chuang man pek chhuah a ni.