Baptist Church of Mizoram

December 1, 2022 (Nilaini) khan Relief & Development Department thawktute - Director Rev. L. Vanlalsanga hovin, Senior Coordinator- Pu Lalrinawma leh Asst.Coordinator Nl. T. Lalfawnveli te, Diver Pu Lalawmpuia te chu Bangladesh atanga Raltlan, Parva-II-a awmhmun khuar te chhawmdawlna pe-in an kal a. R&D hotute hian Raltlante chu an awmnaah kalchilhin Cheng 30,000/- man an mamawh hrang hrang leh leh tangka fai cheng 20,000/- Raltlante pual hian an hlan a ni. Director chuan thuchah tawi sawiin, ringtute chu harsatna hmunah pawh chhel taka tuar tur leh Pathiana rinna vuan talt turin a fuih a, BCM pawhin a ngaihsakin a vil reng dawn a ni tiin raltlante thlamuanna thu a sawi a ni.

Tunkar vek, November 29, 2022 (Thawhlehni) khan Lawngtlai Area Administrative Working Committee hmalakna-in Bangladesh atanga raltlan - tuna Parva III a awm mekte tan Lawngtlai Town chhunga tualchhung Kohhran hrang hrangte thawhkhawm - mut puan, thuamhnaw, sahbawn, towel, pawisa fai leh thil dang ṭhahnem tak an lo hlan tawh bawk a. Raltlante Ṭanpuina hi Lawngtlai Area Administrative Working Committee, hruaitute a hmunah kalin an zuk hlan a, raltlante hi an awmna hmunah kawmin, ṭawngṭaina te an neih sak a ni.

Bangladesh raltlante hi Bawm hnam (zohnahthlak) an ni a, tunah hian Parva III ah awm mekin, hriat theih chinah mipa 156, hmeichhia 239, an vaiin mi 295 an ni a, report-ina sawi danin tunah hian Raltlan engemawzat chu Parva-III panin kalkawngah an la thang mek thu a sawi bawk.