Ruihhlo do Pathianni hman a ni dawn

By Communications Dept.BCM

BCM Assembly-2024 khan Ruihhlo leh a kaihhnawih that loh zia inzirtirna beihpui thlak hawnna (Kick off)  neih a ni a. Social Concern Department-in hemi bawhzuina kal zel atan hian Kohhran pumah Ruihhlo do Sunday hman ni se ti-a ruahmanna a siam angin,  June 9, 2024 (Pathianni) hi Ruihhlo do Sunday atan hman turin a ruat a. Social Concern Committee-in hma la-in hemi ni thupui ah “A bote chu ka zawng ang a, hnawh bote chu ka hruai kîr leh ang” (Ezekiela 34:6) tih chu hman ani ang.

Mizoram Khawpui hrang hrang-ah Ruihhlo do campaign nei tur hian Headquarters-a hruaitu leh pastor te, Bialtu pastor te leh Kohhran Upa leh Rawngbawltu engemawzat ruatin, Tualchhung Kohhran hrang hrang 191 - ah insem darhin hun an hmang dawn a ni. Kohhran kalna tur ruatsa leh thusawitu ruat sa awmlohna-ah chuan Thupui thlansa hmang hian Tualchhung Kohhranin a ruat thusawituten Thupui tlawh chhan hian Ruihhlo leh a kaihhnawih thatloh zia inzirtirna leh thuchah sawi turin Social Concern Committee chuan a ngen a ni.

Beirual thu zir tur Pathian hnena hlanna neih a ni.

Beirual thu zir tur Pathian hnena hlanna neih a ni.

July 25, 2024 (Ningani) zing khan BCM Hall, Headquarters Offce, Serkawn-ah kumin 2024-a Beirual Thuzir tur ‘Ringtu Nun’ tih chu Rev. R. Lalbiakliana, General Secretary-in Pathian hnenah hlanin a tlangzarh. …

R&D-in Thli leh ruah avanga chhiat tawka tanpuina a pe

R&D-in Thli leh ruah avanga chhiat tawka tanpuina a pe

July 22-26, 2024 khan Buarpui leh Aizawl ah te tun hnaia thli leh ruah avanga chhiatna hrang hrang tuarte hnenah BCM Relief & Development Department chuan Chhawmdawlna leh tanpuina a sem a. Heng chhawmdawlna te hi R&D Department hotute -  Director Rev L.Vanlalsanga,Co-ordinator Rbt Lalrinawma leh Asst Co-ordinator Nl T. Lalfawnveli leh Pu Lalhriatpuia, Driver ten kengin Pastor Bial hrang hrangah tanpuina hi an pe a ni. …

Mission Inkhawmpui neih chhoh meka ni.

Mission Inkhawmpui neih chhoh meka ni.

Mizoram Baptist Kohran - Mission Department-in Kohhrante Mission rawngbawlnaa hma kan sawn nan leh mission rilru kan put ngheh deuh deuh theihna atan Mission Inkhawmpui buatsaih ni se ti-a ruahmanna an siam angin Lawngtlai, Lunglei eh Aizawl-ah te Pastor Bial 2/3 huapin Mission Inkhawmpui hi neih turin ruahman a ni a. A hmasa ber atan July 19-21 khan Lawngtlai khawpui chhunga Pastor Bial pathum - Lawngtlai North, Lawngtlai South leh Lawngtlai East Pastor bial te infinin BCM Biak In, Chanmari, Lawngtlaiah Mission Inkhawmpui hi tluang takin neih a ni. nkhawmpui thupui-ah Joshua 3:1 thu  ‘Ram lak tur lah chu a la tam mai si a’ tih chu hman a ni.  He Inkhawmpui-ah hian Sepaker-ah Rev. Dr. R. Lalthanmawia, AGS Mission leh Rev. Lalremsiama, Mission Director te hmangin, Resource person-ah  Pu T. Nghaksanga Mission Promoter hman a ni bawk. …