Saisawm Sazai Baptist Association (SSBA) hruaitu mi 19 te chuan November ni  14-19  chhung khan BCM Headquarters rawn tlawhin kohhran chanhcin an zir bak ah kohhran zirna in leh hmun pawimawh hrang hrang te fang kualin hun an hmang a. 

November ni 15 khan BCM Office thawktu te nen devotions hmang hovin hetah hian SSBA atanga lo kal te hian BCM in Tripura a zo hnahthlak hnam hrang hrang zinga rawng bawla chanchintha an hriattir avanga lawmthu sawina te nei in lawmthgu sawina thilpek te an hlan a, BCM chu thlarau lama an nu leh pa nih tling taka an chhawmdawlna kawng ah lawmthu an sawi a ni.

November ni 15 leh 16 nileng in BCM Office a department hrang hrang inrelbawl dan leh hmalak dan te zirin hun an hmang a, November ni 17 ah BCM zirna in hrang hrang leh damdawi in leh hmunhma pawimawh dang te tlawhkualin hun an hmang leh a, Pathianni zing leh zan ah te Lunglei khawpui chhunga tualchhung kohhran pathum, Electric, Lunglawn leh Ramzotlang ah te hun an hmang bawk. November ni 20 ah Lunglei atanga letin Aizawl ah zankhat chamin AICS hmunhma te an fang leh ang a, thawhlehni ah Tripura panin an let ang.

SSBA hruaitu lo kal te hi - Rev. B. Rothangpuia Field Director, Tripura Field in rawn hruaiin, an Association-a hruaitu (Office Bearer) leh Committee member mi pawimawh tak tak te an an vaiin motor khalhtu te nen mi 23 an rawn kal a ni.