May 29, 2023 (Thawhtanni) hi Kohhran Ni Pawimawh – TKP Ramthim Ni a ni a. TKP Unit tinah he ni hi urhsun takin an hmang leh dawn a ni. Kumin TKP Ramthim Ni Thupui chu “Krista Thuhretu Rinawm" (TT 1:8) tih a ni ang. TKP Ramthim Ni-ah hian zan lamah inkhawm awmin, Inkhawm Thawhlawm chu Bial TKP kal tlangin MTKP Fin.Secretary hnen–ah thehluh tur a ni ang. MTKP Hruaitu (OB) te pawh he hun hmanpui tur hian Unit leh Bial hrang hrangah an kal chhuak dawn a ni.
|
Upa R. Lalrochama, President |
- |
Mausen Unit, Haulawng Bial-ah |
|
Pu F. Lalremruatpuia, Vice President |
- |
Bethel Unit, Dawn. Zobawk North Bial-ah |
|
Rev. F. Zorinkhuma, Secretary |
- |
Thuampui Unit, Serte Bial-ah |
|
Pu K. Lalawmpuia, Asst. Secretary |
- |
Haulawng Unit, Haulawng Bial-ah |
|
Nl. J. Lalrintluangi, Treasurer |
- |
Bualte Unit, Hrangchalkawn Bial-ah |
|
Tv. H. Lalruatkima, Fin. Secretary |
- |
Hrangchalkawn Unit, Hrangchalkawn Bial-ah |
|
Upa Dr. Lalchhanhima Fanchun, |
- |
Hauruang Unit, Hauruang Bial-ah |
|
Upa PC Vanlalrova, Senior Advisers |
- |
Thaizawl Unit, Hrangchalkawn Bial-ah |
.....................
THALAI KRISTIAN PÂWL RAMTHIM NÎ (May 29, Thawhtannî)
Thupui : Krista thuhretu rinawm (Tirh. 1:8)
A din tirh atangin TKP hian ramthim veina lian tak a nei sa a. Inkhawmpui hmasa ber Pukpui (1955) a neihah chuan ‘TKP hminga thuhriltu tirh ni se’ tih agenda ngaihtuah leh rêl nghal a ni a, tichuan, kum 1956 Inkhawmpui Hnahchang khuaa neihah pawh ‘Tuikuk Takam pual ni bik neih ni se’ tih a rêl leh a. Tichuan, kum 1959 inkhawmpui chuan “October 5 hi ‘District TKP Tuikuk Takam Ni’ atân hman ni se”, tiin a rel ta a. Mahse, kum 1960 a rorêlna chuan September thlaa Thawhtan ni hnuhnung ber chu hman turin a rêl leh a.
Hun rei tak chhung chu he ni hi Ramthim Ni pual atan hman zui a ni. May thlaah ni tawh se, a hun atân chuan BCM-in ram pawna Missionary a tirh chhuah hmasak ber Rev.H. Rokhama te nupa tirh chhuah ni, May 29 (1968) hi hman ni se, tia a rêl angin TKP Ramthim Nî chu hemi nî-ah hian kum tina hman zui zêl a lo ni ta a ni. Mahse, ‘Tuikuk Takam Nî’ tih chu huap zim deuha hriat a nih avângin 1969-ah chuan ‘KP Ramthim Nî’ tia thlak leh a ni a.
Mahse, September thla hi Beirual thla a lo ni a, kan duh thawh fo thin avâng leh programme dang dangte kohhranin a huaihawt duh thin avângin remchang tawk lova hriat a lo ni leh ta a. Kum 2006 MTKP Inkhawmpui (S.Vanlaiphai) rorêlna chuan, May thlaah ni tawh se, a hun atân chuan BCM-in ram pawna Missionary a tirh chhuah hmasak ber Rev.H. Rokhama te nupa tirh chhuah ni, May 29 (1968) hi hman ni se, tia a rêl angin TKP Ramthim Nî chu hemi nî-ah hian kum tina hman zui zêl a lo ni ta a ni. BCM hnuaia Fellowship lian leh thawh hlawk em em, TKP-te thinlungah Pathian ram a lo zau
BCM hnuaia Fellowship lian leh thawh hlawk em em, TKP-te thinlungah Pathian ram a lo zau zêlna tura ramthim veina hi lian telh telh se a va duhawm em!
