Tunkar Pathiani, April 2, 2023 hi Kristiante ni pawimawh – Tumkau Pathianni (Palm Sunday) a ni a. He Ni hi ringtute chuan urhsun takin kan hmang thin a, Mizoram Baptist Kohhran pawhin kum tin he ni hi urhsun takin a hmang thin a, zing kar ah naupangte leh Kohhran hoten Tumkau kengin khawlai te an fang in, Lal Isua chawimawina hun atan an hmang thin a ni.
Kuminah pawh he ni hi urhsun takin hman a ni leh dawn a. Tualchhung Kohhran ten ruahmanna an siam angin Kohhran tinin Tumkau nen kawngzawh leh Lal Isua Lalna puanchhuahna hun hman a ni leh ang a, Pathianni zing Inkhawm-ah tumkau Pathianni thuchah ngaihthlak a ni ang a, Kohhran zaipawl, KNP Zaipawl leh mimal zaithiam ten fakna hun an hmang bawk ang.
Tumkau Pathianni bak ah hian karleh lamah hian kohhran hoten hun pawimawh dang pahnih Good Friday leh Easter Sunday te kan thleng dawn a. Heng ni pawimawh te hi urhsun taka hman thin a nih ang in, kumin ah pawh tualchhung kohhran hrang hrang ten ruahmanna siam in heng hunpui hmang tur hian an inbuatsaih mek a. Bialtu pastor te leh BCM hnuaia ordain minister ten tualchhung kohhran hrang hrang ah hun hmang in Lalpa Zanriah sacrament te kohhran hote tan an buatsaih dawn a ni. Kohhran hote he hunpui lo thleng tur ah hian Pathian malsawmna in dawn theuh theih nan duhsakna kan hlan a che u!
