UCPI Prayer Meet[/caption]
Nimin, February 22 atanga neih tan, United Christian Prayer Fellowship of India (UCPI) buatsaih, National Leader's Meet chu Leonia Holistic Destination' Hyderabad, Telangana-ah neih mek a ni a, naktuk, February 24, 2017 thleng he meet hian a awh ang. He Meet/Tawngtai Inkhawm hmang hian Mizoram Baptist Kohhran hruaitu te - Rev. V. Vanlalchhunga(Pastoral Coordinator) Rev. LB Khawpuimawia(Director, Communications Dept) Rev. Lalramngheta Chhangte(Fin.Manager) bakah Rev. Lalbiakenga(Organiser, PAC) leh Pi PS Lalhmingthangi(Organiser, MBKHP) te an tel a ni. An programme ang chuan tunkar Inrinni hian Mizoram lo thleng leh tura beisei an ni.
Sawi tawh thin ang khan UPCI hi Kohhran pawl tih bik awm lovin, Kohhran leh Pawl hrang hrang member/thawhpui neia India ram pum tana tawngtaia inzawmkhawm an ni a, a tum ber chu, Idia ram hi Lal Isua Lalna ram a lo nih theih nana theihtawpa tawngtaina hmanga hneh a ni.
Tarlan tawh thin angin, BCM leh UCPI te hian kumin May 29, 2016 khan BCM General Secretary Room-ah thawhhona atana inremsiamna(MoU) an ziak a, Mission lama rawngbawlna-ah te, India ram pumpui tana tawngtai-a hmalakho kawngah te, Rawngbawlna inhriattawn leh in tanpui tawn dan tur ruahman te, a tul anga sum leh tha-a intanpui tawn tur te-in kum 5 chhung atan MoU hi an ziak a ni.
