- Rev. PC Liandula
Mizoram Baptist Kohhran chuan Beirual thuzir hi kum tinin kan nei \hîn a, kumin atân pawh September 20-30 (ni 10) chhûng kan zir leh dâwn a ni. Kan zir tur thupui ber hi “Pathian ram” tih a ni a. Zirlai sâwmah \hen a ni a. Pathian ni vawi hnih a awm avângin Pathian ni zîngah sermon thupui tur pahnih dah a ni bawk. Tin, kum 29 (1990-2018) chhûnga kan lo zir tawhte pawh hetiang hian lo târlang ta ila a \ha awm e.
1990 - Isua zuitu rinawm 1991 - Kohhran hnêna Lalpa thuchah 1992 - Kohhran leh Mission 1993 - Thawhrima 1994 - Kristian \awng\aina 1995 - Harhna leh khawtlâng nun siam\hat. 1996 - Tlâng chunga Isua thusawi 1997 - Kristian nun 1998 - Kohhran leh a rawngbâwl hna. 1999 - Khawvêl mamawh 2000 - Dinthar lehna 2001 - Inthawina nung 2002 - Thlarau Thianghlim 2003 - Isua Krista chatuanin, Amen 2004 - Isua Krista khawvêl mamawh. 2005 - Harhna 2006 - Mission 2007 - |awng\aina 2008 - Pathian chibai bûk 2009 - Thilpêk rawngb^wlna 2010 - Kohhran 2011 - Siam thar lehna (Transformation) 2012 - Thianghlima 2013 - Puan in hmun zauh 2014 - Kristian nun. 2015 - Mizoram kristiante leh tûn lai khawvêl. 2016 - Pathian thu leh tûn lai thil awmzia. 2017 - Tûn lai khawvêla Kristiante hmachhawn. 2018 - Pathian ram.Kumina kan zir tur Pathian ram tih hi a awmzia a\angin bul kan \an dâwn a. Kohhran hmasate’n Pathian ram an hmêlhriat dân a\anga \anin, ngaih d^n chi hrang hrang kan zir ang a, Mizoram Baptist Kohhranin Pathian ram kan pawm dân leh hrilhfiah d^nte kan zir dâwn a ni. Tin, Thuthlung hlui lamah Pathian ram tih \awngkam hmu chiah lo mah ila, a zirtirna êng a\anga Pathian ram nihphung leh a lan d^n kan zir bawk ang. Tichuan, Judate’n Messia lal ram (Messianic kingdom) an beisei leh thlîr, Lal Isua zirtîrna nêna a inlaichînna leh Amah Isua a lo lan tak a\anga chu Lal ram chu din a nih dân kan zir nghâl ang a. Tin, Lal Isua zirt$rnaah chuan Pathian ram chu nun leh thiltihah a lo lang chhuak a ni tih kan zir bawk dâwn a ni.
Tin, Paula’n Pathian ram a hmêlhriat (experience) d^n leh a nunin a ngaih pawimawhzia leh Pathian fa nihna a\anga kan chanvo a nih thu te, Pathian ram chu la thleng famkim t<r a nihzia kan zir tel bawk ang. A dawtah chuan Pathian ram leh kohhran chungchâng kan zir ang a, Pathian ram leh kohhran inlaichînna leh kohhran chu Pathian ram zau zêlna tura a hmanrua pawimawh tak a nih thute kan zir leh dâwn a ni.
Tichuan, Lal Isuan, “Mi tu pawh an pian thar loh chuan Pathian ram an hmu thei lo vang,” a tih bâkah, “Mi tu pawh tuiah leh thlarauva an pian loh chuan Pathian ramah an lût thei lo vang,” (Joh 3:3&5) a tih tlat avângin Pathian rama luh theihna awm chhun chu pian thar a ni a, chuvângin Pathian ram leh pian tharna thu kan zir leh dâwn a ni. Pathian ram hi pian tharna a\anga hmuhfiah a nihzia leh Pathian ram chu a taka chentu leh a famkimna la chang turte chu piang tharte an ni tih pawh kan zir chhuak theiin a rinawm.
Tin, Pathian ram hi a lo thlen a, mi mal nunah tun din a nih tak tak chuan thilsiam dangte hnên pawh a thleng ve zêl tur a ni a, tichuan kan khawvêl hi kan tâna Pathianin a siam dân takin kan chên dâwn a ni. Chu chu Pathian ram zia a lan chhuahna tur pawimawh tak a nihzia min kawhhmuh nghal bawk ang. Chu bâkah chuan Pathian ram zia lan chhuahna tur kawng hrang hrang kan zir ang. Chu chuan ni tina kan khawsak phung hi a rawn hril ang a, kan kohhran leh khawtlâng nun thlengin nghawng a \ha lamin a nei dâwn a ni. Nimahsela, tûna kan ram kristian nun hi Pathian ram nihphung leh zia chu kan nun hian a phawk tâwk em tih inenfiahna tûrte kan zir zêl dâwn a ni. Chutianga kan inenfiah a, kan kristian nun kan hmuhfiah tak tak chuan, “I ram lo thleng rawh se,” tiin tlâng kan kâwm dâwn a ni. Kan ram a dam lo, kan ti fo \hîn. A dam lo tak tak nia kan hriat chuan, Pathian miten, “I ram lo thleng rawh se,” tiin chunglamah bân i phar ang u. Kumina kan zirlai hi ngun tak leh \ha takin kohhran miten zir ila, Isua Kristaa Pathian chunglam min koh chhan tûnah leh nakin atâna kan nun innghahna tak tak tur ni pawhin a lang e.
Tlângkawmna:Kan zirlai a\anga chiang taka kan hmuh chu Pathian ram chu, “Pathian lalna leh thuneihna, a duh zâwng tihna leh chawimawia a awmna ram, Pathian leh mihring hmangaihnaa a inzawmna leh inthawhsakna, Pathian mawina tinrêng khawngaihna famkima a inpuan chhuahna ram hi a ni,” tih a ni, ti ila kan tisual lovang. Paula hian tawi fel takin a dah bawk. “Pathian ram chu ei leh in lam thu a ni si lo va, felna te, remna te, Thlarau Thianghlima lâwmnate a ni zâwk e,” (Rom 14:17) a ti bawk.
Chu ram chu engvângin nge “Lo thleng rawh se,” tia \awng\ai tûra Lal Isuan a zirtîr tih hi ngaihtuah tham a awm a ni. Tlâng chunga a thusawi kal zêl a ni. Lal Isua lo kalna khawvêl khan ram thar a mamawh a, eng tiang chiahin nge ram thar (Pathian ram) an mamawh tih tawi têin chhui/en ila.
Dikna leh rinawmna thu-ah te, Dân chungchângah te, mipat hmei-chhiatna leh uirêna chungchângah te, Inmâk leh chhechham leh phubâ lâk chung thuah te, hmangaihna leh khawngaihna dân thu-ah te, sakhaw thila \awng\aina thuah te, mahni chana lungawi zo lo, mi dang chan ît tlatna te, thamna leh hlemhlêtnaten Lal Isua lo kalna khawvêl kha a chîm vêl a. Chuvângin an mamawh chu ram thar (Pathian ram) an a ni. Chumi khawvêlah chuan a ni Lal Isuan, “I ram lo thleng rawh se,” tia \awng\ai tûra a zirtîr ni.
Pathian ram zia chu a dang daih mai. I vêngte hmangaih la, i hmêlma haw rawh an ti tih in hre tawh. Kei erawh chuan ka hrilh a che u, “In hmêlmate chu hmangaih ula, a tiduhdahtu che u chu \awng\aisak rawh u,” a ti daih mai. Chu khawvêl chu vawiina kan khawvêl nên hian a dang chuang ta lo ve. Chuvângin I ram lo thleng rawh se, i ti ang u.
Pathian ram zia dik tak kan nunah thlentîr hi kan phal tak tak ang em ? I ram lo thleng rawh se, kan tih hian keimahni lalna leh thuneih vena hnuai-ah, rorêlna \hutphah ka chan ve theihna tûrah thlentîr kan tum a ang berin ka hre \hîn. Miin, “Mikhual in thleng dâwn e,” an ti a. Lo thleng rawh se, kan tih ang mai hi a ni lo. Nghawng lian tak a nei a ni. Lalna leh thuneihna Lalpa Pathianin a chan pum hlum a ngai.
Engvângin nge I ram lo thleng rawh se, kan tih ve. Thlarau sual hote avângin kan khawvêl hi a \awp êm a, kan khawtlâng leh ramah ngei pawh sûlhnu an nei lian êm êm a ni. Chûngte chu hrûkreh a nih theih nân Pathian ram thleng se kan duh a ni. Kan ram leh hnamah hian dikna chuan hmun a chang tlêm hle. Pathian ram a lo thlen chuan, “Dikna lal tiang pawh chu i ram lal tiang a ni a, felna chu i ngaina a, bawhchhiatna chu i huat kha,” tih chu Pathian rama rorêltu nihna leh zia a nih avângin mi tinin kan dikna chanvo kan chang \heuh thei tawh ang.
“Nangmah i inhmangaih angin, i vêngte pawh i hmangaih tur a ni,” tih Bible-a dik lo thei lo (axioms)-a kan neih pawh chu awmzia a nei ta meuh lo. Hmangaihnaa inzawmna leh inthawhsakna ram, Pathian mawina tinrêng khawngaihna famkima a inpuanchhuahna ram chu kan mamawh a, I ram lo thleng rawh se, kan ti a ni. Chumi ramah chuan Pathian duh zâwng tihin a awm a, chawimawiin a awm a, felna te, remna te, Thlarau Thianghlima hlimna leh lâwmna takte chu a chhûnga chêngte chuan an chang a, an chên \hîn a ni. Chumi dinhmun chu chang tûrin kan ramah hian Pathian ram lo thleng se ka va ti êm ! Beirual hun hlim taka hmang tûrin duhsakna ka hlân a che u.
