Upa C. Ngurhnema hi Pu Lianhranga (L) leh Pi Khuangbaii (L) fapa paruk zinga palina ni turin June 21, 1945 khan Leite-ah a lo pianga, an unau hi paruk niin, Unau mipa pali leh hmeichhia pahnih a nei a ni.
Pi Thangbuangi nen April 4, 1979 khan inneiin, fapa pahnih leh fanu pakhat an nei.
Rawngbawlna lamah hian Evangelism tui mi tak mai a ni a, a ลฃhat lai zawng zawng pawh Pathian tana hmang zo vek mi a ni. Zirna lamah hian BA. B.Ed niin, rawngbawlna lamah a inpek hma hian Artillery sipaiah te ลฃangin hetih chhung hian Delhi, Jorhatleh Punjab-ah te a awm hman a ni. Kum 1973-ah Piantharna changin Pathian thu (Bible chang) a duh ber chu II Korinth 5:20 a ni. Pathhian kohna chiang taka a hriat avangin sipai hna chu bansanin Missionary hna chu a dil ta a, April 20, 1975 khan Missionary atan lak a ni a, July 6, 1975-ah Bijoynandi khua Tripura-ah Missionary hmasa ber ni turin a lut ta a ni. Hetah hian Bijoynandi khua leh a chheh vel khuaa hruaitute Committee te chuan Juy 15, 1975 khawvar hma ngeia chhuah san turin leh engtikahmah an ram leilung rap tawh lo turin an hrilh nghal a ni. Mahse pa turuh leh huaisen tak a ni a, harsatna leh buaina tam tak karah chhel tak leh huai taka ke pen zelin a lehkhabu ziah “Lalpa’n Ramthimah min ko” tih bu-ah heti hian a mah ngeiin a ziak a ni. “ he hmun aลฃang hian Lalpan min kohchhan chatuan nuna chanchin ลฃha chu ka hril ve dawn ta tih ka hriatin ka lawm em em a ni” tiin.
Bijoynandi aลฃang hian Amarpur District Sonkang khuaah July 29, 1977-ah insawnin Kum riat chhung zet a thawk a, He tih hun chhung hian School, Biak In leh Biak In Quarter te a din fel vek a ni. Thlarau bo vei mi a nih avang hian ลฃhahnemngai tak leh tih tak zeta thawk ลฃang ลฃang mi a ni. Kum 1985-ah St. James High School Gongrai-ah thawk tura tih a ni leh ta a, Kum 6 chhung Gongrai-ah hian a thawh hnuin, BMS Tuichawng (Home Mission) ah 1992 ah sawn leh a ni a. Kum 13 zet a thawhhnuin Kum 2005 August khan BCM Missionary hna aลฃangin Pension-in a chhuak ve ta a ni. Pathian kaih hruaina changin Kum 30 chhung zet mai Missionary hna a thawk a, a pension hnu hian Zohnuai, Lungleiah in bengbela a awm aลฃanga reilo te-ah BCM Zohnuai kohhran rawngbawltuah thlan a ni a, November 8, 2009-ah Kohhran Upa a tan thlan niin, 2010 khan BCM Moria Rahsivangah Kohhran Upa atan Ordain a ni a, a hun tawp thlengin kohhran tan ลฃhahnemngai takin Pathian rawng a bawl chhunzawm zel a ni.
November 2025 thlatir khan a ke lehlam insawisel ลฃanin, Specialist panpui a ni a, Nerve hnathawh ni ngeia ngaiin, damdawi te chawh a ni a. Amaherawhchu hma a sawn theih loh avangin December 2, 2025 khan Christian Hospital, Serkawn-ah inentir lehin, Admit nghal a ni a, heath hian CT Scan leh X-Ray te tih nghal niin, resulh aแนญang hian a thluakah thisen tling ni ngeia hriat a ni a, Aizawl lam panpui nghal tura tih a ni. December 5, 2025 khan Ebenezer Hospital panpui nghal a ni a, Hospital an thlen hian Emergecy a zai nghal a ni. A thluaka thisen tling hmunhnihah lo awmin, tihfai nghal a ni a, ICU ah dahluh nghal a ni. An zai tuklamah hian ลฃha taka rawn harhin, hmasawn zel tura beisei a nih laiin Dry Stroke a bei nawn leh palh hlauh mai a, hemi ni aลฃang hian biak theih a ni tawh lo a ni. Ebenezer Hospital-a Doctor leh Nurse te’n a dam leh ngei theih nan theih tawp an chhuah bakah Kohhran leh mimal chhungkua te’n ลฃawngลฃaina nen theih tawpa min auh pui laiin, January 1, 2026 zan 9:15 khan adam leh theih nan theih tawpa kan ลฃawngแนญaina chu damhlen tur zawkin min lo kalsan ta.
A chenna In-ah tlaivarpui a nih hnuin, December 2, 2026 (Zirtawpni) chawhma dar 11:00 ah a chenna In Zohnuai-ah thlahna hun hman a ni a, Chhungkaw aiawhin a fapa C. Lalramchhana'n thusawiin, Chhun dar 12:00 ah a lawina BCM Zohnuai Biak Inah vuina hun hman a ni. Vuina Inkhawm hi Upa Lalrinzuala’n a kai hruaia, Zohnuai Kohhran zaipawl te'n aruang chungah amah thlah nan a hla duh em em "An eng reng ang" tih hla an sa a, Upa leh rawngbawltu, Minister leh Missionary te'n kuang chungah pangpar dahna neiin Rev. R. Lalthangliana'n vuina thuchah ngaihnawm tak sawiin, Zohnuai thlanmualah thlahliam a ni.
Pathian tana mi inpe, a ลฃhat lai leh vanglai hun zawng zawnga rawngbawl nuam ti leh rawngbawlna ngai pawimawh em em chu kohna zawng zawnga mawi ber van kohhna chhangin min lo kalsan ta. He thihna hi BCM tan leh alawina kohhran BCM Zohnuai tan chuan channa nasa tak a ni.
