He Conference hi Sadar North Baptist Sikla Bodol ten dawlin, thupui atan Thufingte 13:3, I hnate chu... tih hman a ni. He hunah hian MแนฌKP aแนญangin MแนฌKP Secretary, Rev. F. Zorinkhuma, Rbt. PC. Lalbiakdika MแนฌKP Finance Secretary leh Executive Committee member pahnih Rbt. F. Lalrinnunga leh Tv. Vanlalruata te leh BCM Choir te an tel a ni.
Rev. F. Zorinkhuma hi Baptist Youth Federation of India (BYFI) Treasurer a nih angin speaker pakhat atan ruat a ni. Ani hian January ni 10, Inrinni zanah 'Pathian hnena inhlan’ tih hmangin thuchah ngaihnawm tak a sawi. January ni 9, Zirtawpni zanah MแนฌKP Finance Secretary Rbt. PC. Lalbiakdika'n MแนฌKP aiawhin chibai bukna hun a hmang a, committee member pahnih ten thilpek an hlan thung. BCM Choir ten a แนญan zan, Inrinni zan leh Pathianni zingah te zaia rawngbawlna hun an hmang a; MแนฌKP aiawhin BCM Choir member Nl. LH. Liandingpuii leh Nl. CVL. Thlamuanpuii ten malzai rawngbawlna hun an hmang bawk.
TBYF hnuaiah hian Unit 20 awmin, hnam hrang leh แนญawng hrang chi 20 vel intelkhawm an ni. Hnam hrang hrang kalkhawm an nih ang takin cultural program, cultural fashion show leh cultural dance te program-ah hian telin, hemi bakah hian solo, zaipawl leh talent show te pawh a awm bawk a ni. Inkhawm apiangin thuchah ngaihthlak a ni a, speaker pali an he Conference ah hian hman an ni.
MแนฌKP hruaitute leh BCM Choir te hian Missionary Day 2026 zan hi BCM Mission Station Raipassa Baptist Church, Dhalai Dist, Tripura ah hun an hmang bawk a ni. Hetah hian Missionary Nl Vansangkimi leh Kohhran Hruaituten an lo dawng sawng a ni. Raipassa Kohhran te nen hun hlawk thlak tâk an hmang bawk.
Kal lam leh haw lamah Rev. K. Lalrammawia, Zawlnuam Bialtu Pastor quarters-ah an thleng a, Bial chhung kohhran te dawnsawnnaah lawmthu an sawi a ni. Tin, Rev. Laldingngheta Sailo, Kanhmun Bialtu Pastor-in thil แนญul hrang hrang a lo buaipui bawk a, a chungah lawmthu an sawi bawk a ni.
