Tunkar Pathianni, January 25, 2026 hi Phar pual Pathianni (The Leprosy Sunday) a ni a. He Ni hi Mizoram Baptist Kohhran chuan urhsun taka hmangin zing Inkhawmah hemi pual hian inkhawm Progamme-a siam ang. Headquarters aลฃanga thupui thlan sa ‘Dai pawnah.’ (Leveticus 13:45-46 : Hebrai 13:13) hmangin Pathian thuchah ngaihthlak a ni ang.
‘Phar pual Pathianni’ hi 2006 Assembly rel angin January Pathianni hnuhnung ber-ah hman ลฃhin a ni a. Kum danga kan tih ลฃhin angin Inkhawm thawhlawm hi TLM pual a nih avangin Headquarters-ah thehluh tur a ni ang.
TLM rawngbawlnaah BCM hian July 1, 1975-ah Rev. KD Siamliana-te nupa, Bhutan rama kan Missionary te’n East Mongar-a Phar Damdawiina an thawhna kha a ni a. Hun inher danglam leh Sorkar tharah kalphung pangngai thlaka thil thar tam tak a lo chhuah tak avangin, Mizorama The Leprosy Mission Trust rawngbawlna chuan a kal zelna-ah harsatna tawkin, ram chhung leh ram pawn aลฃanga ลฃanpuina sum chetvelnaah kalpui zel rem lohna chin a lo awm ta a.
Amaherawhchu Pharte zinga rawngbawlna chu chawlhsan mai lova chhunzawm zel a nih theihna turin The Leprosy Mission Mizoram chu kum 2017-ah khan din a lo ni leh ta a. Tunah hian Bethany Colony Leprosy Association (BCLA) te nena thawk hovin, Andra Pradesh State a Bapatla District chhunga phar enkawlna hmun (Colony), India rama phar enkawlna hmun lian berah TLM Mizoram chu a bung chhunzawm ta zel a ni.
Hei bakah hian Mizoram chhunga phar natna veite zawn chhuah leh enkawla, tisa leh thlarauva chhan chhuah leh chhawmdawl hna thawh zel hi TLM Mizoramin a tum chu a ni.
Phar Pual Pathianni atan TLM chuan January thlaa Pathianni hnuhnung ber hi a hman ลฃhin avangin BCM pawhin he ni hi tidanglam lovin a hmang zui ve ta zel a. Hemi nia thawhlawm pawh TLM rawngbawlnaa hman turin BCM Hqrs Office-ah thehluh tur a ni a, Aizawl leh Lawngtlai Area-a awm te’n ES Office kaltlanga pek tur a ni ang.
