๐๐๐ ๐ซ๐จ๐ซ๐๐ฅ๐ง๐ ๐ฌ๐๐ง๐ ๐๐๐ซ ๐๐๐ฐ๐ญ๐ญ๐ฎ ๐๐ฌ๐ฌ๐๐ฆ๐๐ฅ๐ฒ ๐๐ฑ๐๐๐ฎ๐ญ๐ข๐ฏ๐ ๐๐จ๐ฆ๐ฆ๐ข๐ญ๐ญ๐๐ ๐๐๐๐ญ๐ข๐ง๐ ๐ง๐ข ๐ก๐ง๐ข๐ก ๐๐ฐ๐ก๐ญ๐ฎ๐ซ ๐ง๐ข๐ค๐ก๐๐ญ๐ง๐ ๐๐ก๐ฎ ๐ฏ๐๐ฐ๐ข๐ข๐ง ๐ค๐ก๐๐ง ๐๐ง ๐ญ๐ก๐ฎ๐ค๐ก๐๐ฐ๐ฆ.
Mizoram Baptist Kohhran Assembly hnuaia Rorelna sang ber dawttu, BCM Assembly Executive Committee Meeting Nihnih awh tur chu a nikhatna vawiin, January 28, 2025 (Nilaini) khan BCM Hall, Serkawn-ah neih a ni. Meeting hi BCM President Rev. Dr. C. Vanlaldika’n a kaihruai a, General Secretary Rev. Dr. H. Lalthlamuana’n Department hrang hrang report a pe.
๐๐๐ฉ๐จ๐ซ๐ญ ๐ฅ๐๐ก ๐ญ๐ก๐ฎ๐ง๐ ๐๐ข๐ก๐ญ๐ฎ๐๐ก ๐ญ๐ฅ๐๐ง๐ ๐ฉ๐ฎ๐ข๐ญ๐:
Report-ah hian Kohhran hming thlak pahnih tarlan niin BCM Zemabawk 'S' chu BCM Zemabawk 'E' ti a thlak a ni a, BCM Tuipui 'D' tih pawh BCM Tuipui 'S' ti a thlak a ni bawk. Christian Education Department in Lunglei lama Sunday School din ลฃanna hmun leh a kum a zirchiannaah kum 1902, May thlaah Sethlun-ah din แนญan a nih thu report-ah hian tarlan a ni.
Probation Period hmang zo mi 9 Minister atana ordain tura Pastoral Committee in an chhawpchhuah te chu pawmpui an ni a, Pastoral Committee in Pastor atana a lak thar mi 5 te chu pawmpui a ni bawk.
Pawl/NGO's hrang hrang recognition dilna pawhsei a nih thu report-ah hian ngaihthlak a ni a, Pawl/NGO's 6 recignition hi pawh sei a ni.
Rev. Dr. James Chuakailiana, AICS a thawklai chu Theological Education Deparment-in Associate Professor nihna a pek thu ngaihthlak a ni bawk.
Mizoram Kohhran Hruaitute Committee-in thawhhona chhunzawm leh tura ngenna chu ngaihtuah a ni a, tuna kal dan anga kal chhunzawm zel แนญha tih a ni.
Council of Churches in Mizoram (CCM) Inkhawmpui vawi 2-na BCM in dawl se ti a CCM Executive Committee Meeting-in a ngenna chu Administrative Committee-in ngaihtuahin, BCM Venglai-ah CCM Inkhawmpui 2026 nghah a nih tur thu ngaihthlak a ni.
Pastor nilo Minister atana ordain tura Pastoral Ministry Department in a dilsak mi 3 te zing aแนญangin mi 2 Pu K. Lalzuimawia (Missionary) leh Pu Lalruatkima (Missionary) te ordain tura tih an ni a, BCM Assembly, 2026 ah ordain an ni ang.
Pastor Bial thar hawn rawtna ngaihtuah a ni a, Haulawng East Pastor Bial, N. Chaltlang Pastor Bial leh Chaltlang Pastor Bial te hawn tha tih a ni.
Nomination Committee member atan mi panga thlan an ni a, hengte hi Assembly Nomination Committee member 2026-2027 atana thlan te an ni.
Heng thlan chhuah te hi Assembly-ah pawmpui tura thlen an ni ang.
1. Rev. JC Vanlalluaia
2. Rev. R. Lalnunzira
3. Rev. Hrangaia Hmar
4. Upa Lalhmangaihzuala, Ramthar, Lunglei
5. Upa Sangchungnunga, Chaltlang, Aizawl.
