𝐓𝐡𝐮𝐫𝐞𝐥 𝐭𝐥𝐚𝐧𝐠𝐩𝐮𝐢 𝐭𝐞:

Pastoral Committee aṭanga ABC ṭhen leh siamrem rawtna awmte ngaihtuah a ni a, Aizawl East ABC leh Aizawl North ABC te hetianga siamrem tur hian Assembly-ah thlen nise tih a ni.

𝐀𝐢𝐳𝐚𝐰𝐥 𝐄𝐚𝐬𝐭 𝐀𝐁𝐂 𝐚 𝐚𝐰𝐦𝐭𝐮𝐫 𝐏𝐚𝐬𝐭𝐨𝐫 𝐛𝐢𝐚𝐥𝐭𝐞-

1. Aizawl East

2. Khumtung

3. Phuaibuang

4. Saitual

5. Thuampui

6. Zemabawk

7. Khawruhlian

8. Sakawrdai

𝐀𝐢𝐳𝐚𝐰𝐥 𝐍𝐨𝐫𝐭𝐡 𝐀𝐁𝐂 𝐚 𝐚𝐰𝐦 𝐭𝐮𝐫 𝐏𝐚𝐬𝐭𝐨𝐫 𝐁𝐢𝐚𝐥 𝐭𝐞:

1. Bawngkawn

2. Kolasib

3. Ramhlun

4. Shillong

5. Vairengte

6. Chaltlang

7. N. Chaltlang

Inneih hautak lo zawnga buatsaih chungchang Administrative Committee-in rawtna a siamte thlir ho a ni a, siamthat ngai leh siamrem ngaite siamṭha a Assembly a thlen chhoh remtih a ni.

Administrative Committee-in Politics-a inhmangte chunga BCM beiseina a neih dan chungchang thuchhuah siam tur ruahmanna an lo siam ngaihthlak a ni a, Assembly-ah thlen tur a ni ang.

BES Extension Ramthar a Building sak chhunzawmna tur Ra. 20,00,000/- Additional Grant dilna Finance & Pension Committee-in a thlen chu pek remtih a ni a, BES Hmawngbu tana Budget siam dilna pawm a ni bawk.

Thawktu Superannuation-a Pension leh boral te, thildang a chawl te an awm nual a, heng avanga post ruak awmte hnawhkhah dilna leh post thar hawn Finance Committee-in a dilnate ngaihtuah a ni a remtihpui an ni.

Danin a phut anga Service nei thawktute kaisanna leh dah ngheh chungchang Finance & Pension Committee-in a thlen chu ngaihtuah a ni a, Assembly a thlen chhoh leh tha tih a ni.

BCM Hnuaia Instiution-te Target siam/Pek ve chungchang ngaihtuah a ni a, Assembly a thlen nise ţha tih a ni.

Lirthei thar lei leh a hlui hralh chungchang ngaihtuah a ni a, Finance Committee-in rawtna an thlen ang hian Assembly a dil remtih a ni a, heng zingah hian Aizawl Area leh Lawngtlai Area tana Bus lei te a tel a ni.

AICS-a Course thar hawn rawtna Theological Education Committee aṭangin a lut a, a luh angin Diploma-in Christian Education leh Diploma in Clinical Pastoral Counselling te hawn tha tih a ni.

Kum 2026-2029 chhung atana Mizoram Baptist Mipa Pawl President leh Senior Adviser tur Fellowship Committee-in an thlan te pawmpui an ni a, President atan Rev. V. Lalzarliana (Bialtu Pastor, Chanmari Pastor Bial, Lunglei) leh Senior Adviser atan Upa C. Vanlalmuana (BCM Ramzotlang, Serkawn, Pastor Bial) pawmpui an ni.

MBMP Rorel 2025-in BCM Ṭawngṭai hruaina Bu a "Ruihhlo Ngaite Pual" dah an rawtna Communication Department Committee-a an thlen chu AEC-ah thlen chhoh a ni a, an rawtna ang hian karkhata vawi khat Ruihlo ngaite puala ṭawngṭai hun Ṭawngṭai hruaina Bu-a dah hi Assembly-ah thlen tha tih a ni.

Social Concern Committee-in Old Age Day Care Center din an rawtna chungchang ngaihtuah a ni a, kum lama Upate enkawlna din tur hian Assembly a thlen nise tih a ni.

Social Concern Development-in Halfway Home rin an rawtna AEC hian a ngaihtuah a. Ruihhlo ngawlvei nghei tuma Centre-a awmte an rawn chhuah hian enkawl zuina an mamawh a, hetiang ang enkawl zuina atana Halfway Home din hi Assembly-a thlen tha tih a ni.

Public Guidance (PG) & Prevention and Care (PAC) lama hmalakna uar zawka neih chungchang ngaihtuah a ni a, Ruihhlo Do te, HIV&AIDS awareness kalpui zel hi ṭha tih a ni.

Opportunity Shop (Thrift Store) siam chungchang Relief & Development Committee-in AEC-ah a thlen a, an rawtna ang hian Assembly-ah thlen tha tih a ni.

Mission Board aṭanga thu lut zingah AP West Field Director Station sawn chungchang te, Mission Support Policy ennawn chungchang te, Sri Lanka-a Mission Station buatsaih leh rawngbawlna zau zawk neih rawtna te, Field Evaluation Report leh umzui dan tur ruahmanna te chu Assembly-ah thlen tha tih a ni.

ABC leh Pastor Bial aṭanga thu lutte thlitfim niin, Assembly-a thehluh awmte Assembly-ah theluh nise tih a ni.