March 4-8, 2026 chhung hian BCM rorelna sang ber BCM Assembly chu BCM Biak In Bazar Veng Lunglei-ah neih a ni a. Assembly Thupui atan “Dak ula lote en rawh u”(Johana 4:35) tih a ni.
March 4, 2026 (Nilaini) zanah Assembly hawnna inkhawm neih a ni a. Rev. Dr. C. Vanlaldika President-in inkhawm a kai hruai a, Assembly hawnna a nei nghal. Rev. Laltanpuia Colney-in “Pathian ram tulna” tih thupui hmangin thupui sawi hawnna a nei.
March 5, 2026 (Ningani) Chawhma dar 10:00 ah Assembly rorel ni hmasa ber neih tan a ni a, Rev. Dr. C. Vanlaldika’n Assembly rorel bul tanin, rorel palai lawmna thu a sawi zawhah President thar Rev. Prof. R. Zolawma hnenah President nihna a hlan, ani hian rorel a kaihruai nghal a, palai lawmna a bul tanin rorel ni hmasa ber neih chhunzawm nghal a ni.
Kum 2025 Assembly leh 2026 Assembly inkara Ordained Pastor 5 leh kohhran Upa 72, an vaiin mi 77 sun an ni, an rawngbawlna avanga lawmthu sawina leh an kalsan tak kohhran hote leh an chhungte tana tawngtaisakna Rev. R. Lalrintluanga AGS (Mission)in a hmang.
Statistician Report-in a lan danin Mizoram Baptist Kohhran hnuaiah member 1,86,772 awmin, kum hmasa aia member punna chu 2,332 a ni. BCM hnuai-ah hian ABC 17, Pastor Bial 95 leh Tualchhung Kohhran 711 an awm a ni.
AGS – Mission Report chuan Mission Field-19 leh station hrang hrang 7 -ah rawng bawl mek a nih thu te, Missionary leh Mission hnuaiah thawktu mi 1350 an awm thu te, kum 2025-2026 chhungin Kohhran thar 31 leh Fellowship 18 dinin, ringthar 5063 an awm thu a tarlang bawk.
President Elect leh Statistician thlanna neih a ni a, President Elect atan Rev. Dr. R. Lalthanmawia Aizawl Central Bial thlan niin, Statistician atan Upa Dr. Lallianzuala Hnamte Electric veng Aizawl thlan a ni bawk.
๐๐๐ง๐๐ซ๐๐ฅ ๐๐๐๐ซ๐๐ญ๐๐ซ๐ฒ-๐ข๐ง ๐๐ฌ๐ฌ๐๐ฆ๐๐ฅ๐ฒ ๐๐ฑ๐๐๐ฎ๐ญ๐ข๐ฏ๐ ๐๐จ๐ฆ๐ฆ๐ข๐ญ๐ญ๐๐ ๐ญ๐ก๐ฎ ๐ซ๐๐ฉ๐จ๐ซ๐ญ ๐ ๐ญ๐๐ซ๐ฅ๐๐ง ๐ญ๐ฅ๐๐ง๐ ๐ฉ๐ฎ๐ข ๐ญ๐ :
1. Council of Churches In Mizoram (CCM) inkhawmpui BCM Venglai kohhran, Lunglei-a nghah a nih tur tarlan a ni.
2. ๐๐๐ฌ๐ญ๐จ๐ซ ๐๐ข๐๐ฅ ๐ญ๐ก๐๐ซ ๐ก๐๐ฐ๐ง ๐ฅ๐๐ก ๐ฌ๐ข๐๐ฆ ๐ซ๐๐ฆ ๐ญ๐ฎ๐ซ ๐ญ๐:
a) Haulawng East Pastor Bial (Bial thar hawn tur)
b) N. Chaltlang Bial (Bial thar hawn tur)
c) Chaltlang Pastor Bial (Bial thar hawn tur)
3. ๐๐ซ๐๐ ๐๐ฉ๐ญ๐ข๐ฌ๐ญ ๐๐จ๐ฎ๐ง๐๐ข๐ฅ (๐๐๐) ๐๐ข๐๐ฆ ๐ซ๐๐ฆ ๐ญ๐ฎ๐ซ ๐ญ๐ฎ๐ซ ๐ญ๐:
a) Aizawl East ABC
b) Aizawl North ABC
4. Probationary Pastor, Minister atana Assembly-a nemngheh tur mi 9 leh pro Pastor nilo, Minister atana nemngheh tur mi 2 leh Pastor atana lak thar mi 5 te report a ni bawk.
5. ๐๐๐๐จ๐ ๐ง๐ข๐ญ๐ข๐จ๐ง ๐๐๐ฐ๐ก๐ฌ๐๐ข ๐๐ข๐ฅ ๐ ๐ซ๐๐ฆ๐ญ๐ข๐ก ๐ญ๐ก๐ฎ:
a) NEXGEN
b) Foundation for Drug Free Society
c) Mizoram Students Evangelical Union (MSEU)
d) Union of Evangelical Student of India (UESI)
e) International Media Evangelical Ministries (IMEM)
f) Friends of Odisha
g) Gospel trumpet
6. Pastor Quarters Flat sak chungchang te, LPS leh Zonet Programme lei tih tawp chungchangte, MBMP president leh Senior Adviser pawmpui chungchang te, BCM tawngtai hruaina bu-a ruihhlo ngaite puala tawngtai ni dah thu Baptist English School (BES) Extension Ramthar atana Budget dilbelhna chungchang report ngaihthlak a nih bakah hnathar hawn dilna pawm a ni bawk.
