๐๐ข๐ฌ๐ฌ๐ข๐จ๐ง๐๐ซ๐ฒ ๐ญ๐ข๐ซ๐ก๐๐ก๐ก๐ฎ๐๐ก ๐ข๐ง๐ค๐ก๐๐ฐ๐ฆ ๐ง๐๐ข๐ก ๐ ๐ง๐ข ๐๐๐ฐ๐ง.
Tunkar Pathian ni March 22, 2026 zing dar 10:00 hian BCM Biak In Ramzotlang, Serkawn-ah Missionary tirhchhuah inkhawm neih a ni dawn a. Tun tumah hian Field Director panga (5) leh foreign missionary a kal tur pahnih (2) tirhchhuah an ni ang.
Inkhawm hi Rev. Joseph Vanlalruata Director, Mission-in a kaihruai ang a, Missionary-te inhmelhriattirna a nei bawk ang. Upa J. Lawmsanga leh Upa PC. Liankhama te’n Bible an chhiar ang a, tirhchhuah turte atangin testimony ngaihthlak a ni bawk ang. Rev. Vanlalmuankima AGS (Service)-in missionary-te a tirchhuak ang.
Tirchhuahna hun hman zawh hian Rev. L. Vanlalsanga Lecturer, JBS-in an mahni leh an chhungte tan tawngtaisakna hun a hmang ang a. Rev. R. Lalrintluanga AGS (Mission)-in thuchah a sawi ang.
Missionary tirhchhuah inkhawmah hian Lunglawn Pastor Bial Zaipawl, Zotlang Pastor Bial Zaipawl leh Serkawn Pastor Bial Zaipawl te’n zaia rawngbawlna hun an hmang ang. Rev. Dr. JC. Vanlalluaia, Bialtu Pastor, Serkawn Pastor Bial-in malsawm tawngtaiin inkhawm a tin ang.
