He thu hi Mission Board kaltlanga Assembly Executive Committee January 29 & 30, 2025-a thukhawm atanga rawn lut a ni. Mission Board-in pawl dang nena thawhhona pawhsei dilna a hnuaia tarlan ang chu Assembly Executive Committee chuan ngaihtuahin tha a ti a, Assembly pawmpui tura thlen chu pawmpui a ni:
1) BCM leh Nepal Baptist Church Council (NBCC) thawhhona: Kum 2015 atangin kan thawkho tan a, Agreement hi kum 5 chhung atan te pawhsei zel a ni a, tunah hian kan thawhhona a lo tawp leh ta a, anmahni lam atanga renew an duh angin rawn thlen chu Mission Board chuan tha a ti a ni.
2) BCM leh Dibang Lohit Baptist Churches Association (DLBCA) thawhhona: April 1, 2021 atang khan DLBCA nen hian kum 4 atan kan thawkho a, tunah hian January 2031 thleng thawhhona pawhsei an rawn dilna chu Mission Board chuan tha a ti a ni.
3) BCM leh Sibsagar Baptist Association thawhhona: Assembly 2022 chuan 2024 thleng thawhhona hi rem a lo ti tawh a, tunah hian thawhhona chu kum 5 dang atan pawhsei turin an rawn dil a, Mission Board chuan tha a ti a ni.
4) BCM leh Madhya Assam Baptist Association thawhhona: January 12, 2022-2024 chhung atan thawhhona hi kalpui tawh a ni a, kum 5 dang atan pawhsei turin an rawn dil a, Mission Board chuan tha a ti a ni.
5) BCM leh Baptist Mission Australia (BMA) thawhhona: Baptist Mission Australia (BMA) hi tun hmaa Global Interaction tih hming pua lo thawk ho tawh thin kha kan ni a, tun hnaiah hian an pawl hming chu Baptist Mission Australia tiin an lo thlak ta a ni. Thawhhona hi kum 5 chhung huam turin pawhsei an rawn dil a, Mission Board chuan tha ati a ni.
