Adi Baptist Union(ABU) inkhawmpui vawi 52 nâ neih a ni.

By Communications Dept.BCM

Dt 13-16.February.2023 chhung khan Adi Baptist Union(ABU) inkhawmpui vawi 52 nâ chu Motum Baptist church ah neih a ni a, Thupui-ah “Zirtirna dik lo lakah fimkhur rawh u” (2 Kor 11:4) tih hman a ni a, Inkhawmpui Speaker pahnih Rev Dr Akheto Sema G/S CBCNEI leh Rev Lalsangzuala Sailo FD AP East te hman an ni. thuchah an sawi thin a.

Inkhawmpui chhung hian Zingkar Bible study neih thin a ni a,  Pu ZD Laltanpuia Missionary leh Nl Yabur Palon M. Th Lecturer JBS ten an kaihruai thin a ni. He Inkhawmpui-ah hian palai hming ziak zat hi 500 chuang hlek an ni.

ABU (6).jpeg

He Inkhawmpui-ah hian Arunchal East Field Committee buatsaih Adi leh Galo ṭawng hmang te hman tur Mobile Apps "Puune Takar" (Hmar Arsi) tih chu a duh apiang te hman theih turin Adi Baptist Union Executive Secretary Rev Luke Taying chuan February 15, 2023 khan tlangzarhin Pathian hnenah a hlan.

He mobile apps Puune Takar ah hian Bible bung khat te te record, Sermon, Solo, zaipawl zai, music video leh Doctrinal teaching te a awm a, Ṭawng chi hnih a dah ani. Tlangzarh a neih hmain Pu C. Pachhunga, Missionary in Apps kalphung leh hman Dan hrilhfiah in Apps siam chhan te a sawi bawk.

ABU (8).jpeg

MTKP Inkhawmpui Vawi 48-na Pandal sak mek a ni

MTKP Inkhawmpui Vawi 48-na Pandal sak mek a ni

February 13-16, 2025 chhunga Lunglawn mual, Lunglei-a neih tur Mizoram Thalai Kristian Pawl (MTKP) inkhawmpui vawi 48-na atana pandal sak hnatlang an kalpui mek zel. Inkhawmpui pandal structure hi BCM Hqrs-ta, Alluminium alloy structure Rs nuai 150 man hman a ni. Structure awm sa hi an duh aia a tet deuh avangin tihzauh belh tura ruahman a niin, Inkhawmpui pandalah hian mi Sangriat Atanga mi sangkua (8000-9000) vel leng tura beisei a ni. Inkhawmpui pandal zau zawng hi a dung ft 230 leh avang ft 184 tura duan a ni. Tunah hian Pandal hi pum thawkhat tawhin, Pandal extension hi Ceilling siam tur a ruahman a ni bawk. Committee peng hrang hrangte pawn chak takin hma an la chho mek zel bawk. …

PU R. LALHLIMPUIA ROPUI TAKA THLAH LIAM A NI TA

PU R. LALHLIMPUIA ROPUI TAKA THLAH LIAM A NI TA

Pu R. Lalhlimpuia BCM Headquarters office-a UDC thawk lai chu January ni 21 2025 khan Ropui takin Serkawn Thlanualah Vuiliam a ni ta. Pu R Lalhlimpuia hi Upa Hrangkunga leh Pi Zatluangi Hrahsel te fa 8 zinga a naupangber niin 1972 May 29 khan Pangzawl khuaa sawikhawm laiin Lungmawi khaw awm khawmna, Keithah vengah a lo pianga. 1995 khan BCM Headquartes office Serkawnah Peon hna a thawk tana, hnathawk chunga College kalin, BA a zawh hnu July nikhat kum 2000 khan ( 1.7.2000) LDC-ah dah a ni ta a ni. Hna thawk chung bawkin Industries Department Lunglei hnuaiah Computer ‘O’ level a zo leh a, BCM in Computer kan hman tan lai vela hetiang lam thiamna nei hmasa a lo ni bawk a, Office a thawhpuite tan a tangkai em em a, a tulna in a nawr nen, Computer zirna ‘ A hand book of MICROSOFT WORD ( Ms Word User Guide book)’ tih chu a tichhuak a, mi tam …

B.C.M. TLANGNUAM A DING TA

B.C.M. TLANGNUAM A DING TA

Vawiin ni 18.jan.2025 Inrinni hian B.C.M. Tlangnuam, Lunglawn chu hawn a ni ta. Hemi rual vek hian BIAK In thar pawh hawn nghal a ni. A hawngtu Rev.Dr.R.Lalbiakliana General Secretary BCM a ni. A hawnnaah hian Lunglei khawpui chhunga Bialtu Pastor zawng zawng leh Pro Pastor zawng zawng te sawm an ni a. ABC puipa leh Bial puipa leh Bial chhunga Kohhran zawng zawng te telpui tura sawm vek an ni a, mi thahnem takten min rawn telpui thei bawk a ni. Sawi hmaih hauh loh tur zingah Lunglawn lo Bialtu Pastor te leh Pro Pastor lo ni tawhte sawm vek an ni a, Rawngbawlna sang zawk chelh ta, Rev.Lalhmingchhuanga Jongte nupui fanaute pawh sawm tel an ni bawk. …