June ni 10, 2025 (Thawhlehni) dar 11:30 khan Meeting Room No. 1-ah Administrative Committee neih a ni a. Thu pawimawh tak tak ngaihtuah a nih bakah Reports ngaihthlak a ni . Internal Complain Committee (ICC) din anih thu ngaihthlak niin. ICC hi Social Welfare, Traibal Affairs, Women and Child Development Department hnen atanga lehkha hmuh umzuina niin Prevention of Sexual harassment (PoSH) chungchangah Annual Action Taken Report chu kumtin pek a ngaih angin report chu Internal Complaints Committee (ICC) hian a bawhzui thin dawn thu te, Bus thar lei thu te leh Charity Fund atanga mimal hnena sum a pekchhuahte ngaihthlak a ni . April ni 8 atanga June ni 10. 2025 inkar chhungin Charity Fund atangin mi harsa leh a mamawhte hnehah Rs. Nuaikhat Singli (1,40,000/-) semchhuah a ni. Heng bakah hian Administrative hmalakna hrang hrangte report-ah hian ngaihthlak a ni bawk.
Meeting-ah hian thu pawimawh tak tak ngaihtuaha rel niin chung zingah chuan BCM thawktu hming thlak chungchang ngaihtuah a ni a. Rev. R. Lalrinmawia, SIM & OMF Missionary, Thailand-a awm mek chuan a official hming atan Rev. Lalrinmawia Renthlei tia a hman tawh thu a ni . Hei hi pawmsak a ni a, Pu Thangridema, Chiangrai Thailand a BCM Missionary pawhin Thangridema tih chu Dema Pachuau ti a a thlak chu pawmsak a ni bawk.
NEICC atanga lehkha hmuh chungchang ngaihtuah a ni a. NEICC, General Secretary lak thar tur chungchang niin hei hi advertisement tihchhuah ni se tiin an rel a. NEICC General Secretary dil thei chinte chu, NEICC Member Kohhran, BD (Senate of Serampore College) degree nei chin emaw a tlukpui a ni tur a ni a. Kum 15 chhung pastoral/rawngbawlnaa tawnhriat nei, a bikin administrative lama tawnhriat nei duhsak a ni ang. Kum 45-55 inkara upa tan dil theih a ni ang.
NEICC hnen atanga ni hnih awh Seminar buatsaih tura sawmna chungchang ngaihtuah a ni a. Seminar hi Bawngkawn Presbyterian kohhran-ah a buatsaih dawn a, he seminar-ah hian NEICC unit 55 atang leh NEICCWA, NEICCYA atangin aiawh pahnih tirh a ni dawn a. Rev. Dr. Joe Laldinpuia AICS leh Rev. Dr. James Chuaukailiana, AICS ten BCM ai an awh ang.
Principal, Theological College Lanka-in Academic Missionary an mamawh thu arawn thlen chu ngaihtuah a ni a. Kumina Missionary lak thar turte zing atangin Academic Missionary tur hi Mission Board lamin lak dan an lo ngaihtuah ang.
Kum 2026 a Kristian Chhungkaw Chawlhkar Thuzir ziaktu atan Rev. K. Lalnunsanga, Director, Christian Education Department, Worship Dept., leh Fellowship Dept chu thlan a ni.
Heng bakah hian Department hrang hrang atanga thu ngaihtuah tur lo lut pawimawh tak tak engemaw zat ngaihtuah niin chung zingah chuan Charity Fund atangin mimal dam lo hnenah Rs. 150,000/- semchhuah tura rel a ni bawk.
