AGS Mission – Thailand leh Cambodia tlawhin a thang mek

By Communications Dept.BCM

 

Rev.Dr.R.Lalthanmawia, AGS-Mission chu Thailand leh Cambodia-a BCM Mission rawngbawlna te tlawh-in November 11 khan Headquarters chhuahsanin a kal a, November ni 13-15 chhung hian Thailand ah chamin, Rev. Thangridema leh Rev. Carey Vanlalmuana ten lo dawngsawngin, Mission partners te nen rawng kan bawlna hrang hrang te tlawhin kan rawngbawlpui Missionary leh hotute nen inkawmna te a neihpui a, 16 -19 ah Cambodia lamah hun hmang lehin Cambodia-ah hian Field Director Rev. J. Lalduhawma’n lo mikhualin Cambodia-a an rawngbawlna te a hmunah a enpui ang a, Tent Making Missionary lak thar te awmna tur leh rawngbawl dan tur te enin ruahmanna te an siam nghal dawn a ni. Cambodia atang hian November 21-ah Kolkata ah lo let lehin Aizawl-ah ABC Inkhawmpui a hmang nghal ang.

 

B.C.M. TLANGNUAM A DING TA

B.C.M. TLANGNUAM A DING TA

Vawiin ni 18.jan.2025 Inrinni hian B.C.M. Tlangnuam, Lunglawn chu hawn a ni ta. Hemi rual vek hian BIAK In thar pawh hawn nghal a ni. A hawngtu Rev.Dr.R.Lalbiakliana General Secretary BCM a ni. A hawnnaah hian Lunglei khawpui chhunga Bialtu Pastor zawng zawng leh Pro Pastor zawng zawng te sawm an ni a. ABC puipa leh Bial puipa leh Bial chhunga Kohhran zawng zawng te telpui tura sawm vek an ni a, mi thahnem takten min rawn telpui thei bawk a ni. Sawi hmaih hauh loh tur zingah Lunglawn lo Bialtu Pastor te leh Pro Pastor lo ni tawhte sawm vek an ni a, Rawngbawlna sang zawk chelh ta, Rev.Lalhmingchhuanga Jongte nupui fanaute pawh sawm tel an ni bawk. …

Baptist higher Secondary School Academic Block-II Hawn a ni.

Baptist higher Secondary School Academic Block-II Hawn a ni.

January 17, 2025 Chawhnu dar 3:00Pm khan Baptist higher Secondary School Science Block chu Rev Dr.R. Lalbiaklianan hawng. He hawnna in khawm hi Upa R. Lalhmingmuana Principal BHSS, in kai hruaiin, Kalkhawmte lawmna leh Pathian hnena inkawltirna a neih hnuin, Upa Er. Victor Lalrinawma Sailo Director, Property department in Technical report pein, BHSS Academic Block-II sak hna hi a tir lamah School lamin enkawl in 2018 a tan a ni a. Sum harsatna vangin hun rei tak chawlhsan a nih hnuah Kum 2021 atangin BCM Property Department kut ah dah niin theih ang angina hmalak chhoh nghal a ni. …

Baptist English School Serkawn, Lunglei te chuan Gospel Meeting an nei.

Baptist English School Serkawn, Lunglei te chuan Gospel Meeting an nei.

Tunkar January 13 & 14 ( Thawhtan leh Thawhleh) ni khan Baptist English School, Serkawn, Lunglei te chuan Jonathan Lianhna Speaker-a hmangin BCM Biak In, Serkawn-ah Gospel Meeting an nei. …