Vawiin, March 31, 2023 (Zirtawpni) chawhnu dar 2:00 khan Academy of Integrated Christian Studies (AICS) chuan Pastor Thanzinga Chapel, AICS-ah zirlai pass chhuakte tirhchhuahna leh thlahna Inkhawm ‘Valedictory Service’ vawi 21 na hmangin, Rev. Dr. C. Vanlaldika, Principal, AICS-in a kaihruai a, Rev. Prof. Narola Imchen, Harding Theological College chu Valedictory Speaker atan hman a ni.
AICS Valedictory Service hi Rev. R. Lalbiakliana, General Secretary leh Rev. Vanlalmuankima, Director Pastoral Ministry Department ten an hmanpui a. General Secretary hian zirlai kalchhuak tur te fuihna thu sawiin, Certificate a hlan bawk.
Tun tumah hian AICS atanga zirlai pass chhuak tirhchhuah te hi an vaiin mi 36, Master of Theology (MTh) – 8, Master of Divinity (M.Div.) - 5, Bachelor of Divinity (BD) -19, leh Diploma in Mission Study (DMS)- 4 an ni.
Valedictory Service hi Mizoram Baptist Kohhran hruaitu te, zirlai pass chhuak chhungte leh Aizawl khawpui chhunga tualchhung kohhran hruaitu te mi engemawzatin an hmanpui bakah, Aizawl Area Baptist Zaipawl ten zaia rawngbawlna neiin an hmanpui a ni.
.jpeg)
