Academy of Integrated Christian Studies (AICS) –a zirlai te chuan tunkar thawhlehni, April 11 atang khan exam tanin, April 28 ah exam an zo ang. Zirlai exam mek te hi Senate of Serampore College (University) hnuaia Master of Theology (M.Th) zirlai mi 17, Bachelor of Divinity (BD) zirlai mi 98 leh Asia Theological Association (ATA) hnuaia Master of Divinity (MDiv) zirlai 13 bakah AICS in College Programme a kalpui mek Missionary Training, Diploma in Mission Studies (Dip. MS) mi 4 an ni.
AICS Session kal mekah hian kum 4 zir Bachellor of Divinity Final year 19, 3rd year 23, 2nd year 29 leh 1st year 27, an vaiin 98 an awm a, Kum 3 zir Master of Divinity zirlai final year- 5, 2nd year-6 leh 1st year – 2, an vaiin zirlai 13 awmin, Kum hnih zir Master of Theology ah 2nd year– 8 leh First Year – 9, an vaiin mi 17 awm mek a, Kum khat zir, Missionary Training Diploma in Mission Studies (Dip. MS) zirlai mi 4 an awm mek bawk. Kumina zirlai chhuak mai tur Final Year te tirhchhuahna leh thlahna Valedictory Service hi exam hmain neih fel vek a ni tawh a, zirlai ten exam an zawh rual hian college an chhuahsan nghal tawh dawn a ni.
