June ni 7 leh ni 8, 2025 (Inrinni leh Pathianni) hmang khan BCM Lawngtlai Area chhûnga Pastor awmte pualin intawhkhâwm (meet) neih a ni a, pastor tel tûra beiseite an tel kim a ni.
Pastors Meet-ah hian thupui “Ka thlarau zâwkin le” Zakaria 4:6 hman niin, Rev. Dr R. Zolawma, president elect, BCM chu speaker a ni a, resource person atan Rev. Dr Lalzarliana, ES Lawngtlai Area leh Rev. T. Lalsangvunga, Director, Pastoral Ministry Department te hman an ni.
Ni khatna hi BCM Lawngtlai Vengpui Sunday School Hall-ah hman niin, chawhmaah resource person Rev. Dr Lalzarliana, ES Lawngtlai Area-in thu sawina hun hmangin, thupui “Lawngtlai Area Pastor-te rawngbâwlna atâna hma thlìr leh แนญan lâkna tûr” tih hmangin sawi hona hun hman a ni bawk. Chawhnuah resource person Rev. T. Lalsangvunga, Director, Pastoral Ministry Department-in thu sawina hun hmangin, thupui “BCM Pastor-te hian rawngbâwlna sâwt zâwkin engtin nge kan neih ang” tih hmangin sawi hona hun hman leh niin, zawhna leh chhânna hun hman a ni zui a ni.
Ni hnihna - Pathianni tûkah Lawngtlai town chhûnga BCM Biak In hrang hrangah hun hman niin, chawhnu-ah JH Lorrain Hall, Baptist House, Lawngtlai Bazar-ah hun hman chhunzawm niin, “Bial dinhmun, harsatna leh lâwmna, leh adt.” tih hmangin discussion hun hman a ni a, zân lamah inkhâwmin hun hman chhunzawm leh a ni.
BCM Lawngtlai Area chhûngah hian Pastor bial 20 awmin, bialtu pastor 20 leh probationary pastor 4 an awm mêk a ni.
