Mizoram Baptist Kohhran Lunglei Bial hi meimit lovin kum 1949 atangin kum 1975 chhung  a awm a. Sept ni 20 – 23, 1973 a Sethlun Kohhran a Lunglei Bial Rorelna chuan Lunglei Pastor Bial then thu a ngaihtuah a. Thu lo luh ang hian remtih a ni.

Lunglei Area Church Council / ACC (tuna ABC hi) chuan Lunglei Bial chu hmun hnihah then  a rawtna chu 1975 Assembly chuan a remti ta a. Lunglei South leh Lunglei North tiin. Bial Standing committee meeting 11. 9. 1976 chuan Lunglei South Bial tih chu Chanmari Bial tiin a thlak a, tun thlengin an pu ta a ni.

June ni 1, 1975 aţangin Lunglei Bial chu Lunglei South leh Lunglei North tiin inţhen fel a ni ta a. Lunglei South lama Kohhran awmte chu:  

1) Theiriat             2) Sethlun   3) Lunglawn    4) Matuveng (Now Ramthar)           

5) Chanmari         6) Electric veng      7) Rahsiveng

Bial BKHP te leh Bial ṬKP te pawh inţhen fel ve nghal tura hriattir an ni. An inţhen fel ve nghal a ni.

                                    GOLDEN JUBILEE LAWMNA PROGRAMME

1. May ni 31, 2025 Inrinni zinga Bial in Golden Jubilee Monument a buatsaih chu Pastor Qtrs-ah hawnna neih a ni a. Bial Secretary Upa C. Lalhmangaihzuala’n a kaihruai a, Bialtu Pastor Rev. V. Lalzarliana’n a hawng.

May ni 31, 2025 Inrinni tlai dar 3 : 30-ah Bial ṬKP te’n Jubilee hriat rengna Monument Pastor Qtrs-ah tarin hawn a ni bawk a. Pu. V. Rochungnunga Asst Secretary Bial ṬKP in a kaihruai a. Upa C. Lalhmangaihzuala Bial Secretary in a hawng.

1. June ni 1, 2025 Pathianni zing inkhawmah Bial chhung Kohhran pali: Chanmari, Ramthar, Zion, Galili Kohhranah te Bial Hruaitute insem darhin hun hman a ni. Inkhawm hmain Golden Jubille dar Inkhawm dar a rin nghal turin vuak a ni. Inkhawm banah Jubilee thingpui ruai buatsaih a ni.
    
2. July ni 17, 2025 hian Chanmari Pastor Bial lo pian chhuah dan Documentary video shooting neih tum a ni.
    
3. Oct ni 2, 2025 hian Free Medical Clinic buatsaih tum a ni.
    
4. A lawmna pui ber chu Bial Rorel Inkhawmpui Oct ni 8 – 12, 2025 chhungin neih tur a ni a. Ruai buatsaih a ni ang a, Jubilee Souvenir release a ni ang.
    
5. Centre / Home Ruihhlo ngaite enkawlnaah tanpuina pek an ni ang.

                                    TUNA BIAL DINHMUN

            Tunah hian Chanmari Bial-ah Kohhran Pali an awm mek a. 2025 BCM Assembly a Statistic report in a tarlan danin Kohhran member zat chu hetiang hi a ni.

                                                  Member    Member

   Sl no  Kohhran                      nghet            nghet lo          TOTAL

1.   BCM Chanmari         : 1828              226                 2054
2.   BCM Ramthar          : 1287                 83                 1370
3.   BCM Zion                 : 1204              161                 1365
4.   BCM Galili               :   420                 50                    470

Grand total      : 4739              520                 5259