Aizawl Area BKHP  ten Joint Fellowship an nei

 

October 31, 2024 khan “Tho la I Pathian ko rawh” (Jona 1:6) thupuia hmangin Aizawl Area BKHP Coordination Committee buatsaihin, BCM Biak In, Central Church, Aizawlah Area BKHP Joint Fellowship neih a ni a. MBKHP hruaitute pawhin he hun hi hmanpuiin Aizawl khawpui chhung leh pawn atangin BKHP member an tel tha hle.  Chawhma lamah dar 10:30 ah Inkhawm neih a ni a, Pi Hmangaihkimi, Chairman, Aizawl Area BKHP-in Fellowship a kaihruai a, MBKHP atangin chibaibukna ngaihthlak a ni a, Pi Lalbiaktluangi, Secretary, Aizawl Area BKHP in report pe-in Rev. C. Lalhungliana, Chairman, Aizawl Area Development Committee-in thuchah a sawi.

Chawhnu lamah Rbt Lalmalsawmi, Vice President, Aizawl Area BKHP-in Inpawlhona a kaihruai a, Bial BKHP Pathum -  Phuaibuang Pastor Bial, Bethel Pastor Bial, Champhai leh Thuampui Pastor Bial, Aizawl atang te-in Special Item an rawn nei a, Upa Dr. Lallianzuala Hnamte resource person hmangin BCM kalphung zirhona neiin hlawk takin hun an hmang a ni.

 

ṬKP DAY VAWI 74-NA HMAN A NI DAWN.

ṬKP DAY VAWI 74-NA HMAN A NI DAWN.

July 30, 2025 (Nilaini) hi Ṭhalai Kristian Pawl (ṬKP) din champhaphak vawi 74-na a ni . Kumin ṬKP Day thupui chu “Danglam lo ringtu” (Jeremia 17:7-8) tih a ni ang. ṬKP Day hi kum tinin member te’n urhsun takin an hmang ţhin a. Unit tam zawk chuan zing karah Social Service tiin vantlang hmun leh Biak In leh a chhehvel te an tifai a. Zan lamah MṬKP atanga programme duansa angin Unit tinah ṬKP Day lawmna Inkhawm urhsun takin an nei ţhin a ni. …

Electric Pastor Bial, Lunglei te’n Bial Meet leh Sport hun an hmang.

Electric Pastor Bial, Lunglei te’n Bial Meet leh Sport hun an hmang.

July 19-20, 2025 (Inrinni leh Pathiannni) khan ṬKP Electric Pastor Bial Lunglei te chuan plan-a an neih angin Bial Meet leh Sports hun an hmang. July 19, 2025 (Inrinni) chhunah K. Liantawna Hall-ah sports item hrang hrang hmangin inelna an nei a. Zan lamah BCM Biak In, Electric Vengah meet an hmang bawk. July ni 20, 2025 (Pathianni) nilengin meet hi an hmang chhunzawm a ni. …

Ni khat awh 'Zirtirtu Training' neih a ni.

Ni khat awh 'Zirtirtu Training' neih a ni.

July 19, 2025 Inrinni khan AICS a zirtirtu thawklai te pualin Ni khat awh zirtirtu training (One Day Pedagogical Training) neih a ni a. AICS zirtirtute an kal kim hle. …