April 8, 2023 (Zirtawpni) chawhnu dar 2:00 khan Aizawl Area Development Working Committee Meeting, Baptist House, Upper Khatla-ah neih a ni a. Meeting hi Chairman Rev. C. Lalhungliana’n a kaihruai a, Secretary Rev. R. Lalrintluanga, Executive Secretary, Aizawl Area ni bawkin report pe-in – 2022-2023 chhungin Aizawl Area-ah kohhran thar Pakua (9) din a nih thu leh Relief to churches ah Nuai 737 hman a nih thu a tarlang.
Meeting thu rel zingah – District Level Task Force on Ruihhlo Do, Aizawl District ten Mizorama ruihhlo lo pung zel ti tawp tura Chief Minister kaihhruainaa, District tin Deputy Commissioner (DC) te chairman-na hnuaia District Level Task Force on Ruihhlo Do din anih thu leh Aizawl district bika hemi kawnga chak taka hma lak a nih theih nan thawhpui atan kohhran te sawmna Member Secretary, District Level Task Force on Ruihhlo Do hnen atanga ngenna dawn a nih angin Executive Secrcetary Office atangin Bial tinah hma la tura ngenna siam nise tih a ni a. Ram pum huap tawngtairualna hun kan hman turah tawngtai subject ah telh nise tih a ni bawk.
Aizawl khawpui chhunga Pastor leh Kohhran Upate BCM Biak In Central Church, Aizawl-a Consultation neih-ah Area Development Working Committee-a sawiho atana dah a nih ang in - ABC leh Pastor Bial Area siam rem chungchang te, Church expansion atana hmalakna tura rawtna te, Baptist Multipupose Center atan Pandal Structure Siam chungchang leh ruahmanna te, Executive Secretary Office Aizawl, Baptist Multipupose Center Falkland a sawn chungchang leh a kaihnawih te, BMC kawngpui an-a in sak leh a panna kawng siam chungchang rawtna leh ruahmanna te thlirin, ngaihtuah a ni a.
Heng thu ngaihtuah te hi umzui mai theih te umzui tura rel niin, Committee sang zawka thlen ngai te pawh thlen ni se tiin rel a ni. Tin,Khawpui Kohhran ten Thingtlang lama Kohhran tlawh leh tanpuina pek chungchang thlirin ES Office lamin ruahmanna siamin Kohhran tlawh leh tanpui tur te lo ruahman se an ti bawk.
