Zirtawp zan leh Inrinni zan (December 17&18 ) hian Aizawl Area Music Committee buatsaihin BCM Biak In, Central Church, Aizawl-ah Christmas Carol Service neih a nidawn  a. He Carol Service hi LPS-10, Zonet (Zawlbuk) leh BCM Youtube Channel – "Khawnvar"-ah te Live-a pek chhuah a ni ang.

Zirtawpzanah Upa Laltlanhlua Zathang leh Inrinni zanah Upa H. Lalhmingthanga ten Carol Service hi an kaihruai ang a, Rev. LB Khawpuimawia’n Zan khatna leh Rev. Dr. R. Lalthanmawia’n zan hnihnaah  Thuchah an sawi ang.  Aizawl Area Baptist Choir ten Zai hruaiin, Lalhmangaihsangi, Lalthlengliani, Jonathan Lianhna leh Zorema Khiangte bakah Area Baptist Choir ten Fakna hla an sa thin dawn a ni.

He hunah hian chanvo neitute bakah Aizawl khawpui chhunga Bial zaipawl hrang hrang te telin Pathian fakna leh chawimawina hun hlimawm tak hman tum a ni a, Kohhran mi zawng zawng te, TV leh YouTube lamah kan remchan ang theuh lo zawm ve turin an sawm a ni.