July 30, 2025 (Nilaini) kha Ṭhalai Kristian Pawl (ṬKP) din champhaphak vawi 74-na a ni a, kumin ṬKP Day thupui chu “Danglam lo ringtu” (Jeremia 17:7-8) tih a ni.
ṬKP Day hi kum tinin member te’n urhsun takin an hmang ţhin a. Unit tam zawk chuan zing karah Social Service tiin vantlang hmun leh Biak In leh a chhehvel te an tifai a. Unit thenkhat chuan Thlanmual tihfai leh Biak In hnatlan nan hun an hmang. Zan lamah MṬKP atanga programme duansa angin Unit tinah ṬKP Day lawmna Inkhawm urhsun takin an nei . ṬKP Day-ah hian MṬKP aţangin ţawngtai thupui duan sa angin ţawngtai rualna hun hman a ni bawk.
MṬKP hruaitute pawh , ṬKP Day ah hian Unit hrang hrangah insem darhin an fehchhuak a ni. MṬKP hnuaiah hian Bial 92 awmin, Unit 447 an awm mêk a. Member hi 50364 niin, Mipa - 30562 leh Hmeichhia - 19802 an ni.
ṬKP lo pian chhhuah dan : Kohhrana ţhalaite puala rawngbawlna huang hran siam tura uluk leh fimkhur taka an ngaihtuah hnuah July 30, 1951 khan Serkawn-a ţhalai rualte leh kohhran upate chuan kan zosap missionary-te kahhruaina hnuaiah Ṭhalai Kristian Pawl (ṬKP) hi an lo din ta a ni.
Hruaitu hmasa te chu:
President - Pu Lungruala
Vice President - Pu Vanlalkunga
General Secretary - Pu K. Lalliana
Treasurer - Pu T. Ropianga
Sr. Adviser - Rev. H.S. Luaia, Upa C. Saizawna, Zomawia nu ( Mrs FJ. Raper) leh Pu Lalmama te an ni.
