October 28-30, 2022 chhung khan “Thalai Huaisen” tih thupui hmangin Aizawl Area TKP Meet 2022 chu Baptist multipurpose Centre, Falkland, Aizawlah neih a ni a. Speaker-ah Rev. JC Vanlalluaia, Chairman, ADC, Rev. R. Lalrintluanga, Executive Secretary, Aizawl leh Rev. F. Zorinkhuma, Secretary MTKP te hman an ni.
A tan zan, October 28 (Zirtawp) zanah palai lawmna leh Variety programme hman a ni a. C. lalbiakkima, Asst. Secretary, Aizawl Area TKP Coordination Committee leh Mary Laldinmawii, Luangmual Unit ten an kaihruai a. TKP Central Church Unit ten Meet Hawnna Lemchan an entir a, Lalhmunsiama Pautu, Secretary, Aizawl Area TKP Coordination Committee-in meet hmang tura kal te lawmna hun a hmang. Zaithiam hrang hrang- Mal zai, Duet, Live Band, Musical Drama, Worship Dance leh Zaipawl te a awm bawk.
Inrinni zanah Fakna inkhawm neih a ni a. Inkhawm hi FC lalchhuanawma, Treasurer, Aizawl Area TKP Coordination Committee-in kaihruaiin, Zaipawl pathum leh Group zai te awmin Aizawl Area Baptist Choir ten zaihona an kaihruai a, Rev. JC Vanlalluaia Chairman Area Development Committee, Aizawl hnen atangin thuchah ngaihthlak a ni.
Pathianni ah zing dar 10:00 ah inkhawm awm in Rbt Laldinsanga Hnamte, Chairman Aizawl Area TKP Coordination Committee-in a kaihruai a, Rev. R. Lalrintluanga, Executive Secretary, Aizawl-in thuchah a sawi. Malzai leh Zaipawl hrang hrang ten fakna hla an sa bawk. Pathianni chawhnu-ah Fellowship Programme siamin CS Lalmuanzuala, Fianance secretary, Aizawl Area TKP Coordination Committee- leh Esther C. Lalhmangaihzuali ten Fellowship an kaihruai a. Zaipawl, Live Band, Skit, Groupzai solo te a awm a, Fellowship hlimawm tak neih a ni.
Pathianni zanah Pathian Biak Inkhawm nei lehin, Rbt.Zohmangaiha, Vice Chairman, Aizawl Area TKP Coordination Committee –in Inkhawm akaihruai a. Rev. F. Zorinkhuma, Secretary, MTKP-in Thuchah sawiin, Zaipawl hrang hrang leh Zaithiam hrang hrangte hnen atangin fakna hla ngaihthlak a ni a. Chaltlang Unit TKP ten Meet kharna siamin Rev. T. Lalsangvunga’n malsawmna-in inkhawm a tin a ni.
Aizawl Area TKP meet hi TKP member ten an hlutin Inkhawm an tha thei hle a, Pandal lian tawk tak mi 1300 len theihna zarin, a tawp zan ah phei chuan pandal a lenglo thalai an kalkhawm a ni.
