Tun kar Zirtawpni, (April 3, 2026) hi Khawvel puma Kristiante ni pawimawh ber zinga mi "Good Friday" a ni a, (April 5, Pathian Ni) hi Isua Krista Thawhlehna Ni (Easter Sunday) a ni bawk. He hun ropui tak hi Mizoram Baptist Kohhran chuan serhin Good Friday Eve zan atangin Zoram pumah Kohhran hote’n Good Friday programme an hmang dawn a ni. Pathianni-ah Easter Sunday programme hman a ni leh ang. Hemi a nih avang hian kohhrana thawktute pawh April 2–6 chhung Good Friday leh Easter chawlh an hmang dawn a, hemi hun chhung hian Hqrs Office dawr theih a ni dawn lo a ni.
BCM Headquarters-a hruaitute pawhin kohhran hrang hrangah hun an hmang ang. Good Friday leh Easter-a Hqrs. hruaitute hun hman dan tur chu hetiang a ni:
๐๐๐ฏ. ๐๐ซ๐จ๐. ๐. ๐๐จ๐ฅ๐๐ฐ๐ฆ๐ ๐๐ซ๐๐ฌ๐ข๐๐๐ง๐ญ: Good Friday Eve-ah Aizawl west kohhranah Lalpa zanriah (Sacrament) buatsaihin, Good Friday-ah Tanhril Vengpui-ah thuchah a sawi ang a, Easter Sunday-ah Hunthar kohhran-ah hun hmangin thuchah a sawi leh ang.
๐๐๐ฏ. ๐๐ซ. ๐. ๐๐๐ฅ๐ญ๐ก๐ฅ๐๐ฆ๐ฎ๐๐ง๐ ๐๐๐ง๐๐ซ๐๐ฅ ๐๐๐๐ซ๐๐ญ๐๐ซ๐ฒ: Good Friday Eve-ah Lunglei Bazarveng kohhranah Lalpa zanriah (Sacrament) buatsaihin hun a hmang ang.
๐๐๐ฏ. ๐. ๐๐๐ฅ๐ซ๐ข๐ง๐ญ๐ฅ๐ฎ๐๐ง๐ ๐ ๐๐๐- ๐๐ข๐ฌ๐ฌ๐ข๐จ๐ง: Bangalore-ah Urban Mission-ah Native Evangelist lakna leh thawhpui turte nen meeting an nei ang.
๐๐๐ฏ. ๐๐๐ง๐ฅ๐๐ฅ๐ฆ๐ฎ๐๐ง๐ค๐ข๐ฆ๐ ๐๐๐-๐๐๐ซ๐ฏ๐ข๐๐: Good Friday Eve-ah Serkawn tualchhung kohhranah Lalpa zanriah (Sacrament) buatsaihin hun a hmang ang.
๐๐๐ฏ. ๐๐๐ฅ๐ณ๐๐ซ๐ฅ๐ข๐๐ง๐ ๐๐ก๐ข๐๐ง๐ ๐ญ๐ ๐๐๐ฆ๐ข๐ง๐ข๐ฌ๐ญ๐ซ๐๐ญ๐ข๐ฏ๐ ๐๐๐๐ข๐๐๐ซ: Rahsiveng kohhranah Lalpa zanriah sacrament a buatsaih ang.
๐๐๐ฏ. ๐๐จ๐ฌ๐๐ฉ๐ก ๐๐๐ง๐ฅ๐๐ฅ๐ซ๐ฎ๐๐ญ๐ ๐๐ข๐ซ๐๐๐ญ๐จ๐ซ, ๐๐ข๐ฌ๐ฌ๐ข๐จ๐ง: Good Friday Eve-ah Moria, Rahsiveng-ah Lalpa zanriah (Sacrament) a buatsaih ang.
๐๐๐ฏ. ๐. ๐๐๐ฅ๐ง๐ฎ๐ง๐ฌ๐๐ง๐ ๐ ๐๐ข๐ซ๐๐๐ญ๐จ๐ซ, ๐๐๐, ๐ ๐๐ฅ๐ฅ๐จ๐ฐ๐ฌ๐ก๐ข๐ฉ ๐๐๐ฉ๐๐ซ๐ญ๐ฆ๐๐ง๐ญ ๐ฅ๐๐ก ๐๐จ๐ซ๐ฌ๐ก๐ข๐ฉ ๐๐๐ฉ๐๐ซ๐ญ๐ฆ๐๐ง๐ญ: Good Friday Eve-ah Chhawmdawlna in-ah Lalpa zanriah Sacrament buatsaihin hun a hmang ang.
๐๐๐ฏ. ๐๐. ๐๐๐ฅ๐ญ๐ก๐๐ง๐ณ๐๐ฆ๐, ๐๐ข๐ซ๐๐๐ญ๐จ๐ซ, ๐๐๐ฎ๐๐๐ญ๐ข๐จ๐ง, ๐&๐, ๐๐๐: Good Friday Eve-ah Farm veng kohhranah Lalpa zanriah (Sacrament) buatsaihin, Easter Sunday zanah Ramzotlang kohhranah thuchah a sawi ang.
๐๐๐ฏ. ๐๐๐ฅ๐ก๐ฆ๐ฎ๐ง๐ฌ๐๐ง๐ ๐ ๐๐ข๐ซ๐๐๐ญ๐จ๐ซ,๐๐จ๐ฆ๐ฆ๐ฎ๐ง๐ข๐๐๐ญ๐ข๐จ๐ง๐ฌ ๐๐๐ฉ๐๐ซ๐ญ๐ฆ๐๐ง๐ญ: Good Friday Eve-ah Chanmari kohhranah Lalpa zanriah buatsaihin, Good Friday zanah Serkawn kohhranah thuchah a sawi ang.
๐๐๐ฏ. ๐. ๐๐๐ฅ๐ฌ๐๐ง๐ ๐ฏ๐ฎ๐ง๐ ๐ ๐๐๐ฌ๐ญ๐จ๐ซ๐๐ฅ ๐๐๐ฉ๐๐ซ๐ญ๐ฆ๐๐ง๐ญ: Good Friday Eve-ah Shalom, Lunglawn kohhranah Lalpa zanriah buatsaihin, Easter Sunday ah Serte kohhranah thuchah a sawi ang.
๐๐๐ฏ. ๐. ๐๐๐ฅ๐๐๐ค๐ณ๐ฎ๐๐ฅ๐ ๐๐๐๐ ๐๐๐๐ซ๐๐ญ๐๐ซ๐ฒ: Good Friday Eve-ah Ramthar kohhran-ah Lalpa zanriah Sacrament a buatsaih ang.
๐๐๐ฏ. ๐ . ๐๐จ๐ซ๐ข๐ง๐ค๐ก๐ฎ๐ฆ๐ ๐๐๐๐ ๐๐๐๐ซ๐๐ญ๐๐ซ๐ฒ: Good Friday Eve-ah Chanmari vengthlang kohhranah Lalpa zanriah buatsaihin, April 4, 2026 (Inrinni)ah แนฌKP Thaizawl Unit Golden Jubilee lawmna-ah thuchah a sawi ang.
๐๐จ๐จ๐ ๐ ๐ซ๐ข๐๐๐ฒ:
Good Friday Eve hi kohhran tam zawk chuan Lalpa zanriah (Sacrament) kilho nan hun an hmang dawn a, inkhawm ban-ah kohhran inpawlhona leh zaikhawm programme te siam a ni ang. Good Friday-ah zing inkhawm a awm ang a, Headquarters atanga thupui thlan sa, ‘Ka Pa, anni hi ngaidam rawh’ (Luka 23:34)’ tih hmangin thusawitute’n thuchah an sawi ang. Chawhnu lamah kohhran inpawlhona leh zaikhawm a awm leh ang a, hetah hian kohhran tam zawk chuan chhang ruai leh sawhchiar te nen hun an hmang leh dawn a ni. Zan lamah pawh inkhawm leh kohhran inpawlhona zaikhawm programme-te buatsaih a ni leh ang.
๐๐๐ฌ๐ญ๐๐ซ ๐๐ฎ๐ง๐๐๐ฒ:
April 5, 2026 Pathianni hi Isua Krista, thihna hneha a thawhlehna ni champha, Easter Sunday a ni a. Mizoram Baptist kohhran chuan Easter Sunday zing inkhawmah hian Headquarters aลฃanga thupui thlan sa – “"Thihna ata nunna;”" (Ephesi 2:5) tih hmangin thusawitute’n thuchah an sawi ang. Chawhnu lamah Kohhran inpawlhona leh zaikhawm awmin, zan lamah pawh inkhawm banah zaikhawm programme siam a ni bawk ang.
๐๐๐๐ ๐ ๐๐๐๐๐ & ๐๐๐๐๐๐ ๐๐๐๐๐๐
๐๐๐๐ ๐ ๐๐๐๐๐
Good Friday hi Kristiante ni pawimawh tak tak pathumte zinga pakhat, khawvel chhandamna atana Lal Isua kraws-a an khenbeh ni hriat rengna ni a ni a. Kristiante hun pawimawh, a ni leh thla pangngai reng lo chi (movable feast) an tihte zinga pakhat a ni a, March 20 leh April 23 inkarah a thleng ลฃhin (Hetianga a hun a inthlak danglam ลฃhinna chhan chu Easter Sunday chungchang ziaknaah sawi a ni). Kum za bi khatna aลฃang tawhin kohhranhote’n zirtawpni hi chawnghei ลฃawngลฃai ni atan an lo serh hrang tawh ลฃhin a ni.
Kum za bi 4-na aลฃang erawh chuan Easter Sunday hmaa zirtawpni hnuhnung ber chu Lal Isua kross-a khenbeh a nih hriat rengna ni atan an serh ta a ni. A tirah chuan Holy Friday (Zirtawpni Thianghlim) tiin an sawi ลฃhin a, Great Friday (Zirtawpni Ropui) an ti bawk. Kum za bi 6-na vel aลฃangin Rom Kohhranin Good Friday an ti ta a, chu hming chu a pu chho ta zel a ni.
Zofate Kristian kan lo nih tirh aลฃangin a awmzia tak kan man hma pawhin Missionary-te zirtirna atangin Good Friday hi kan serh chho ve a. Kan serh dan erawh chu khaw hrang hrangah a inang vek lo. Khua/Kohhran ลฃhenkhatin an lak urhsun viau laiin kohhran ลฃhenkhat chuan a hming chauhvin an serh thung. Lal Isua sunna rilru nen hun hman a ni ลฃhin a, pulpit leh a chheh velah puan dum te an zar ลฃhin. Khaw ลฃhenkhatah phei chuan mitthi dar te pawh an vaw hial ลฃhin a ni awm e. Kan Mizo hlaphuahtute pawhin chutiang lam zawnga rilru hruai thei turin hla an phuah nual a ni. Hun lo kal zelah Lal Isua thihna awmzia kan hriat fiah ang zia zelin kan hun hman dan leh kan rilru put dan pawh a danglam chho ta zel a ni. Pathian fapa sual reng reng hre lo, mihringte chhandam nana ama inpekna avanga kross-a khenbeha a awm hi khawvel history-a thil thleng ropui tak leh pawimawh tak a ni. Chuvangin a chhandamna changtute chuan he ni hi kan ngaisangin, urhsun takin kan serh zel tur a ni ang.
๐๐๐๐๐๐ ๐๐๐๐๐๐
Christmas, Good Friday leh Easter Sunday te hi mihringte chhandamna siam tura Pathian Fapa, Isua Kristan he khawvela a hun hman leh tawn ropui tak tak te an ni. Christmas hi mihringte tan lawmna ni a nih laiin, Lal Isua tan chuan tuarna a rawn ลฃan hun a ni a, Good Friday phei chu tuarna vawr tawp a ni. Easter Sunday hi thihna hneha a thawhlehna ni a nih vangin, lawmna ni ropui tak a ni. Chuvangin Easter Sunday hi a ropui chung chuang a ni. Tirhkoh Paula chuan Ama rualin a tinung che u a ni. (Kor. 2:13) a ti hial a ni.
Easter Sunday chu Lal Isua thihna hneha a thawhlehna ni hriat rengna a tana kristiante ni serh a ni. Kristiante kut pawimawhte zing a, a ni leh thla pangngai reng lo chi (movable feast) an tihte zinga pakhat a ni a, March 22 leh April 25 inkarah a thleng thin. A hun leh ni a danglam thinna chhan chu hetiang hi a ni:
Hun hmasa lama kohhran lo kaihruai thintute- “Kohhran Pa” an tihte chuan Lal Isua thihna, phuma a awmna leh a thawhlehna te chu Kalhlen kut zawh hlim chhawna thleng a nih avangin, Easter Sunday hi Juda-te Kalhlen kut zawh Sunday hmasa berah hman an duh a. Chutih laiin Judate hun pawimawh calendar (holiday calendar) chu calendar pangngai angin a kal lo va, ni leh thla her danin a hril zawk a. Hemi hi chhut dan pakhatah chuan khawvel hmun tinah kum khata chhun leh zan rei zawng inchen ni .equinox. pahnih (March 21 leh September 22) zinga a hmasa zawk [vernal (spring) equinox] March 21 hnua thla bial zan hmasa ber dawta Sunday hmasa ber tiin chhut a ni bawk thin. Hei vang hian Easter Sunday, Good Friday leh Palm Sunday te hi ni (tahrik) bik nei lo, insawn thei (movable) an ni a, kum hrang hrangah an thlen hun a inang lo ta thin a ni.
Good Friday leh Palm Sunday te pawh hi Easter Sunday atanga chhut leta zirtawpni hmasa ber leh sunday hmasa ber te an ni thin a ni. Engpawh ni se, a hun bi (tahrik) hi a pawimawh ber lo va, kan serhna chhan tak, Lal Isua hun tawnga thil thlengte kha kan chhandamna kawng min siamsakna a nih avangin, chung hun hriatrengna atana kohhran hmasaten hunbi an lo chhiar dan zawm mai hi a pawi lem chuang lo ve. Kan serh dan leh kan ngaihpawimawh danah a innghat zawk a ni.
