ṬKP Aizawl East Pastor Bial te chuan July 8-9, 2023 khan BCM Biak In, Armed Veng South ah Bial ṬKP Intawhkhawm an nei a. Hosea 10:12 thu "Lalpa Zawn hun" tih thupui a ni a, Speaker atan Bialtu Pastor, Rev. C. Chhuntluanga an hmang. He intawhkhawm-ah hian Bial chhung Unit hrang hrang atanga member kalte bakah, Area ṬKP Coordination Committee hruaitute leh Bial dang hruaitu te pawh sawm an nih angin an tel.
Intawhkhawm ah hian Bial chhunga Unit tin zaipawl te, Aizawl Area Baptist Choir leh Bial Zaipawl ten rawngbawlna an nei a. Malzai, Live band, Worship Dance leh Group Zai tha tak tak ngaihthlak thin a ni bawk.
Pathian Biak inkhawm bakah, Pathianni Chawhnuah inpawlhona hun hman a ni a, hetah hian Quiz Competition te neih a nih bakah Bial ṬKP Application thar tlangzarh a ni a, application hi Rbt. Isaac Laldawngliana'n a tlangzarh a ni. ṬKP Aizawl East Pastor Bial chhungah hian Unit 6 awmin member 840 vel an awm mek a ni.
