Asia Baptist Pacific Baptist Federation buatsaihin APBF rawngbawlna peng hrang hrang aiawh te inrawnkhawmna (Team of Consultation 2024) chu May ni 26 atang hian Melaka, Malaysia ah neih a ni dawn a, he consultation a tel tur hian General Secretary - Rev. R. Lalbiakliana, AGS-Mission - Rev. Dr. R. Lalthanmawia, Rev. L. Vanlalsanga, Director R&D leh Pu Lalrinawma, Coordinator, R&D te an kal ang.
Consultation hi Mission & Evangelism te, Relif & Aid leh Theology-ah te neih a ni ang a, General Secretary chu Consultation on Theology ah telin, AGS Mission chu - Mission Consultation-ah a tel ang a, R&D Director leh Coordinator te hi Consultation on Relief & Aid ah an tel thung dawn a ni. Consultation hian May ni 29 thleng a awh ang.
APBF hi BWA hnuaia ram bung then (Region) pakhat a ni a, Asia khawmual pui leh pacific Tuipui thliarkar ram te, Australia leh New-Zealand thleng a huam a, Ram (Independent Nation) - 22 atanga Baptist Pawl hrang hrang inthlunzawmna a ni a, APBF hnuaiah hian Kohhran pawl inzawm khawm (Asociation/Union) 60 zet an awm a ni.
