Serkawr Mission Bungalow-ah[/caption]
BCM Archives enkawltu, Pi M. Lalthanzuali, Archivist leh Pu V. Lalengmawia, Manager, Baptist printing Press te chu March 26-28 khan Serkawr-ah kalin Rev. JH Lorrain(Pu Buanga) nau Rev. RA.Lorrain sulhnu leh hmunhma te an tlawh.
Rev. L.Mark. Rev.RA.Lorrain makpa-in lo dawngsawngin inkawmna hun tha tak an nei. BCM Archives-a dah tur documents leh thil hlui thenkhat (copy) an lo pe bawk.
.......................................................................................................................Rev.R.A Lorrain: Kum 1907 Sept ni 26-ah Lakher ram Serkawr a lo thleng. Mi taima tak leh chak tak, kut hnathawh hreh lo mi a ni a, silai leh ran vulh a ngaina hle. Chuktuah huan pawh a siam nghal a ni. A bungalow chu ama sak vek tih theih a ni a, tukverh leh kawngkhar siamah tih loh chuan mistiri a ruai lovin a sa peih vek a ni. In hnih lian tawk a sa zo va, huan zau tak a nei bawk a.
[caption id="attachment_13976" align="alignright" width="268"]
Mr. & Mrs. R.A.Lorrain[/caption]
Mission hna a thawh tan tirh chuan chawmtu mumal nei lovin, amahin a han bei phawt a, a inenkawl chawp a ni. A chanchin hi ziakin Sap ramah a thawn thin a, a chanchin an lo hriatin a thian thenkhatte chuan tanpuina an thawn hlawm thin a, chu chu a tan chuan hlu tak a ni. Theihtawpa a thawhna leh a tawngtaina chhanin a awm zel a, sap ram atangin thiante leh rawngbawlpui tura rawn inpe a neih belh ve zel a, hengte hi Maraland a zosap Missionary lo chhuak te chu an ni:- 1. Rev. Reginald Arthur Lorrain – (26 Sept.1907 to 01 Feb. 1944) 2. Mrs. Maud Louisa Ulander Lorrain – (26 Sept.1907 to 23 May 1968) 3. Mrs. Louisa Margret Tlosai – (18 Jan. 1907 to 21 June 1968) 4. Miss Gladys Ramsey – (1921 to 1927) 5. Mrs. Yalmark – (1923 to 1924) 6. Rev. Albert Bruce Lorrain Foxall – (1928 to 1977) 7. Miss Irene E. Hadley – (1928 to 1934) 8. Miss Gladys F. Ghorst – (1928 to 1934) 9. Jelly, Mary, Susan, Johny – (07 Nov. 1931 to 06 Feb. 1932) 10. Mrs. Violet (grant daughter of Lorrain who married Mara man) 1938 to Till today..
R.A Lorrain hian Fanu mal a nei a, a hming chu Louise Marguerite Tlosai Lorrain a ni a (Tlosai hi Lakher Lal tihna a ni awm e). Tlawntlai tha tak mai, pian thiam leh nalh tak, nula hmel tha tak a ni. Ram danga lehkha zira kal chhuak chuang lovin, a nu hnen atangin a zir mai thin a ni. Kum 1928-ah anmahni tanpui turin sap tlangval pakhat Albert Bruce Foxall a lo chhuak a, an tangkaipui em em a ni. Tlosai nen chuan an lo in ngaizawnga, an innei ta a ni. Makpa chhungkhungin a awm a, a hming pawh A.B.Lorrain Foxall tih a lo ni ta a.
[caption id="attachment_13981" align="aligncenter" width="900"]
R.A Lorraina tunu - la dam Pi Vaili(Violete) leh a pasal Rev. L. Mark leh an tu leh fate[/caption]
Kum 4.2.1944-ah R.A. Lorrain hi a thi ta a, a ma huan, Serkawrah chuan an phum a, A thih hnu hian Foxall hian a hna hi a chhunzawm ta zel a ni. Tlosai leh Foxall te hian fanu mal chauh an nei leh a, a hmingah chuan Violet Foxall an sa a. Violet-i hian lakher tlangval L.Mark chu pasalah a nei a, fa pawh pathum (?) emaw an nei a ni. Pu R.A. Lorrain-a nupui (Tlongi nu) hi a thih hian an pa thlanah, a kiangah an phum ve an ti a. Tin, Tlongsai hian natna khirhtak a nei a, Ludhyana Christian Medical College an pan a, kum 1960-ah Ludhyana-ah chuan a thi a, chutah chuan an phum nghal a ni. A.B.Lorrain Foxall hi kum 1977-ah a thi a, Tlosai nu leh pa thlan kiangah an phum a, Mizorama Zosap awm rei ber a ni.
