August 30, 2023 chawhnu dar 1:00 khan Area Development Working Committee, Aizawl chu Executive Secretary Office, Baptist House-ah an thu khawm a, Committee member 20 atangin member18 an kal. Chairman Rev. C. Lalhungliana'n meeting a kaihruai a, Rev. R. Lalrintluanga Secretary hnen atangin report ngaihthlak a ni.
Secretray Report-in a tarlan zingah Baptist Centre-Falkland kawt zawl-a Pandal Steel Structure siam hna leh Building chei that hna thawh chu zawh thawkhat a nih thu leh kawngpui bula Building sak belh na tur ruahmanna te siama General Secretary-in lunphum a phum thu te, sak phalna pawh AMC atangin hmuh a ni tawh thu te a tel a ni.
Meeting ah hian Aizawl Area Pastor Bial Target (2023-2024) Sem dan ruahmanna thlirin pawm a ni a, Target pumpui hi cheng nuai 18, sing 1 leh sang 9 a ni. Thurel dang zing ah Baptist Centre, Falkland -ah Sound System dah nise, hemi atan hian Bial Budget (Target) a dah tel ve nise tih te, BCM Charity pual a Concert, Aizawl Area a neih dan tur ruahmanna te leh Baptist Centre, Building thar sakna tur a panna Kawngpui tih changtlunna tur ruahmanna te a tel a ni.
