September 30 leh October 1 (Inrinni leh Pathianni) hmang khan Arunachal Far East Field –a Missioanry leh an nupui fanau te pualin headquarters Roing DLNBC Compound-ah Retreat ah neih a ni. Speaker-ah Rev R Lalnunzira AGS (Service) hmangin, Retreat Thupui-ah “Hetah hian eng nge i tih”  (I Lalte 19.13) tih chu thupuiah hman a ni. He hunah hian Missionary thawklai te leh an chhungkaw member te an kal kim vek a, an vaiin mi 30 zet an ni.

Inrinni zan aṭanga inkhawmin, Speaker in  thuchah a sawi a,ṭawngṭaihona neih zel a ni a, a tuk Pathianni zing dar 7 -8  ah Field Director, Rev ZD Rozuala kaihhruaiin Devotion neih a ni a, chawhma Dar 10 -12 ah Pathian biak inkhawm neiin, Speaker in thuchah a sawi a, Missionary leh an fate hnen aṭangin zaia rawngbawlna ngaihthlak a ni ṭhin bawk. Pathianni chawhnu ah Sharing leh report pekna  hun neih a ni a, Inkhawmah hian Missionary te chanvo hrang hrang insemin tupawhin thatakin an chanvo te an hlen chhuak thei a ni. Sharing ngaihnawm tak tak ngaihthlak a ni bawk. Pathianni zanah Speaker in thuchah a sawi leh a, inkhawm banah Retreat an tiak ta a ni. Missionary chhungkua ten an hlawkpuiin nuam an ti hle.  October ni 2, thawhṭan ni ah Retreat kharna ni pahin Dibang luiah Bethel leh Picnic neiin hun an hmang leh bawk a. Hlim leh kham lo takin thawhṭan tlaiah Retreat hi an khar a ni.

Arunachal Far East field ah hian thawktu hrang hrang mi 14 an awm a. Retreat hi chhungkuaa hman niin Field chhunga awm te chu an tel kim thei a, hetianga hun thatak an hmang thei hi an lawm hle a. Zoram lama kohhran ho he Retreat pual atana lo tawngtaipuitu zawng zawng te chungah Far East Field chuan lawmthu an sawi a ni.

Arunachal Far East Field hian kum 2023 chhung atan Ringthar 200 leh kohhran thar 1 din chu target ah an nei a. Tunah hian ringthar tuia hnim phum mi 158 an nei tawh a, kohhran/Fellowship thar erawh an la nei rih lo. Heng an target te hi Pathian ropuina tura an tlin ngei theihnan kohhran hote nasa lehzual a tawngtaipui turin an ngen bawk a ni.