Baptist Masihi Mission Inkhawmpui vawi 34-na chu September 22-24, 2023 chhung khan Mizoram Baptist Kohhran Biak in, Chanmari, Lunglei-ah “Pathian Hmangaihna” I Johnan 4:19 thupuia hmangin neih a ni a. Rev. Israel Lalremtluanga, Director, Baptist Masihi Mission chu Speaker-ah hman a ni. Inlkhawm apiangin Speaker hnen atangin thuchah tha tak tak ngaihthlak thin a ni a, Zaipawl, Group zai leh mal zai engemawzat awmin Worship Dance pawh Inkhawm apiangin thlir tur a awm bawk.
Zirtawp zan atangin zan tin Pathian Biak Inkhawm neih thin a ni a, Inrinni zing-ah Bible Study leh tawngtai Inkhawm neiin Evan B. Vanlalhruaia’n hun a hmang a. Inrinni chawhma lamah pawh Inkhawm awmin, chawhnu lamah fellowship neih a ni a, Fellowship hi Evan. B. Lalhmahruaia leh Lalrindika ten an kaihruai thung.
Pathianni zing-ah Pathian Biak Inkhawm leh Chawhnu lamah Baptisma chan leh Lalpa Zanriah Inkhawm neih a ni bawk. Baptisma chan inkhawm hi Rev. R. lalrinliana, Bialtu pastor, Chanmari Bialin kaihruaiin Baptisma a chantir a, Rev. Lalremsiama, Mission Director-in Lalpa zanriah a buatsaih thung a ni. Pathianni zanah Inkhawm awm lehin in Inkhawm ban-ah Pathian faka zaikhawm awmin tlaivar thakin Pathian fak leh chawimawiin an lam a ni.
