Aizawl Area TKP leh BMP Coordination Committee-in ruahmanna an siam angin,  July 15, 2023 (Inrinni) khan Baptist Multipurpose Centre (BMC), Falkland ah Hnatlang runpui neih a ni a. Aizawl City huam chhung, Pastor  Bial 10 atangin BMP member 102, TKP - Aizawl East Pastor Bial member 87 leh Mission Vengthlang Pastor Bial atangin mi 30 ten hnatlang hi thawkin, hruaitu te nen mi 200 chuang zet an thawk chhuak a ni.

Baptist Multipurpose Centre, Falkland Aizawl hi BCM Assembly-in a lei fel hnu-ah a hmanna tur te ruahman-in, a building awm sa Office atana hman theih tura buatsaih hna te, kawt zawl-ah Inkhawmpui leh tihkhawm lian tham atana hman theih turin Pandal Steel Structure buatsaih hna te thawh chhoh mek a ni a. Aizawl Area TKP leh BMP Coordination Committee in ruahmanna a siam angin Aizawl khawpui chhunga Kohhran ten hnatlang runpui hi an thawk a ni.