Nimin, October 20, 2022 (Ningani) tlai dar 2:00 khan Baptist Printing Press Serkawn-a hman tur, Cutting Machine thar chu Pathian hnena hlanna neih a ni a. Khawlthar hlanna hun hi Rev. Dr. Lalzarliana, Director, Literature & printingin a kaihruai a, khawl thar neih a nih dan report Upa K. Lalnuntluanga, Manager, Baptist Printing Press hnen atangin ngaihthlak a ni. Khawl thar hi Rev. R. Lalnunzira, AGS-Service-in hawngin Rev. Dr. R. Zolawma, President, BCM-in Pathian hnenah a hlan.
He khawl thar hi Fuji Company (Japan) siam a ni a, Kolkata atanga lak a ni. A khawl man hi cheng nuai 8 niin, a phurh manah cheng sing 8,2000/- sen a ni bawk. He khawl that bikna leh a hma amite aia a awlsam bikna chu lehkhabu cut tur chhah zawng te, a len zawng te mil zel siam rem(Programme) theih a ni a. A enkawltu mihringin siamrem hranpa ngai tawh lovin, programme set sa ang thlapin copy order zat ang ang a cut zel thei a, Computer sensor hmangin mihring tana hlauhawm turah amahin a in off zel thei bawk a ni.
Tun hnaiah Printing Press hmasawnna kawng hrang hrang neiin kan hnung thla khan Gathering Machine thar neiin, tunah Cutting Machine thar an nei leh hi lawmawm hle a ni.
