Mizoram Baptist Kohhran Pastor Bial 5 chauh a awm laiin, Lunglei khaw pumpui hi Lunglei Bial tiin Pastor Bial pakhatah a awm a. Chutih lai chuan Lunglei Bazar Vengah Pastor a awm ţhin a. Memberte lo pung ve zelin Lunglei Bial chu Pastor Bial hnih-a ţhen a lo ţul ta a. Lunglei Nort Bial leh Lunglei South Bial-ah June 1, 1975 khan ţhen a lo ni ta a.

Bial huapin ṬKP leh BKHP te pawh an ding ve nghal bawk a . A hming thuah hian hriat pawlh a awl deuh avangin a hming thlak rawt a ni a. Bazar Bial leh Chanmari Bial tiin thlak a ni a. June 1, 2025 hi a kum 50-na a ni a, Bazar Pastor Bial huapin lawm a ni .

Bazar Pastor Bialah hian Kohhran 4, Edenthar, Kikawn, Venglai leh Bazar Veng te an awm a, Kohhran inchhiarna hnuhnung berah chuan ṬKP member 2175; BKHP member 1267; BMP member 763; KNP member 784 an awm mek a ni.

Golden Jubilee hi May 31 leh June 1, 2025 ahte lawm a ni a. May 31 zingah BCM General Secretary Rev. Dr. H. Lalthlamuana’n Jubilee lungphun a hawng a. May 31 Inrinni chhunah BKHP pualin Programme hman a ni a, zanah leh Pathianni zingah Bial huapa hun hman a nih hnuah chawhnuah Bial ṬKP pualin hun hman a ni a. Pathianni zanah Bial huap bawkin hun hman a ni leh a. He hunah hian Souvenir-te buatsaihin hruaitu lo ni tawhte chawimawina hun hman a ni bawk.