February 28 – March 1 hmang khan Bru Baptist Church (BBC) hnuaia thawktute; Pastor, Evangelist te leh thawktu dang te pualin Damparengpui-ah Retreat leh Seminar neih a ni a, Rev. Dr. R. Lalthanmawia, AGS Mission chu Speaker ah hman a ni. Speaker hi Tv. F. Lalrammawia, Production Assistant-in tawi awm in, Bru Baptist Church Bihchianna TV programme a buaipui a, Nl. KC Vanlalzami, BCM Chaltlang, Aizawl-in zaia rawngbawlin a tawiawm bawk.
February 28 leh 29-ah Retreat Programme hmangin, Chawhma, Chawhnu leh zanah te Inkhawm-in Speaker hnen atangin thuchah ngaihtlak thin a ni a. Retreat neih chhung February 29 (Ningani) zing inkhawm banah ah BBC Headquarters, Damparengpui-a BBC Guest Room building thar chu AGS Mission hian hawng in Pathian hnena hlanna a nei nghal bawk.
March ni 1 (Zirtawpni) ah Seminar neih chhunzawm a ni a, hetah hian BBC hotute leh Finance lam enkawltu ten Seminar hi kaihruaiin – Kohran inenkawlna leh inkaihhruaina te, sum vawn leh enkawl dan te, thu ziak leh sermon buatsaih dan te, Kohhran in thlunzawm dan (Centralization) leh Department hrang hrang te kalphung zirhona neih a ni.
