Venglai Biak In, Lunglei[/caption]
Mizoram Baptist Kohhran Rorelna Sang ber BCM Assembly vawi 123-na chu tunkar March 6-10, 2019 hian neih a ni dawn ta a, A dawltu tur Bazar Pastor Bial leh BCM Venglai, Lunglei leh BCM Headquarters Office lam pawh an inpeih fel thawkhat tawh. Kuminah hian Assembly palai thei tura beisei zat hi mi 1200 chuang zet an ni dawn a, heng bakah hian observers, Co-opted leh delegates dang engngemawzat an awm dawn a ni. Kumin Assembly thupui tur chu "Isuan ro a rel" tih a ni ang.
March 7-9, 2019 chhung hian chhun lamah zing dar 9:30 atangin Assembly Rorel neih thin a ni ang a. Kumin-ah hian kum dang angin Agenda a tam lutuk lo va, Agenda langsar zual tura ngaihte chu:–
- Pay Commission report leh rawtna te,
- Planning Commission din chungchang thu te,
- Chanchin tha thlen kum 125-na(Gospel Quasquicentennial) hriat reng nan Mission Field thar hawn rawtna te,
- Kristiante hunpui, Krismas leh Good Friday bawh buai thei zawnga programme siam lo tura Central Sorkar a thlen rawtna te,
- Ram chhunga rawngbawlna (Social Concern lam) tun aia chak zawka kalpui rawtna te,
- BCM-in Inkhawmpui lian dawl thei tur Hall lian sak rawtna te,
- BCM chhungkua Fa nei tamte hnenah lawmman pawisa fai pek rawtna te an ni ang.
Tun tum Assembly Rorel Agenda-ah hian Assembly hnuaia Committee hrang hrang – Executive Committee, Central Committee, Mission Committee, Service Committee leh Nomination Committee te thurel fel tawh Assembly-a report leh pawmpui tura thlen chhoh turte bakah Area Baptist Council (ABC) hrang hrang atanga thu lut agenda 27 a tel dawn a ni.
Assembly chhung hian tuk tin zing dar 6:30-7:30 –ah Bible Study leh Tawngtai Inkhawm a awm thin ang a, Chhun lamah Assembly Rorel Inkhawm neiin, zan tin Vantlang inkhawm a awm thin ang a, Thupui thensa hmangin mi hrang hrangin thuchah an sawi ang a, Pathiani zing Inkhawm chu Pastor (Minster) nemngheh Inkhawm(Ordination Service) atan hman a ni ang. Kuminah hian Minister ordain tur mi 8 an awm dawn a, Rev. Pc Liandula, President thar-in a nemnghet ang.
Download: BCM Assembly 2019 Programme
