Mizoram Baptist Kohhran Assembly hnuaia Rorelna sang ber, BCM Assembly Executive Committee Meeting Nihnih awh tur chu a nikhatna vawiin, January 29, 2025 (Nilaini leh Ningani) khan BCM Hall, Serkawn-ah neih a ni. Meeting hi BCM President Rev. F. Ramdinmawia’n a kaihruai a, General Secretary Rev. Dr. R. Lalbiakliana’n Department hrang hrang report a pe.
He Meeting-ah hian kum 2025-2028 atana Mizoram Baptist Kohhran hruaitu tur General Secretary,  Associate General Secretary pahnih leh Executive Secretary Aizawl Area leh Lawngtlai Area te thlan a ni a. Department hrang hrang leh Committee lian – Nomination, Central, Service leh Mission Department atanga thu lut te, ABC leh Bial atanga thu lut te ngaihtuah a ni bawk.
Vawiin-a an thu rel kan hriat theih chin-ah Kum 2025-2028 atana BCM hruaitu tur thlanna neih a ni a, General Secretary atan Rev. Dr. H. Lalthlamuana chu thlan a ni a, Associate General Secretary (Mission) atan Rev. R. Lalrintluanga chu thlangin Associate General Secretary (Service) Rev. Vanlalmuankima thlan a ni. 
Rev. Dr. H. Lalthlamuana Elected General Secretary (2025-2028)
Rev. R. Lalrintluanga Elected Associate General Secretary (Mission) 2025-2028 
Rev. Vanlalmuankima Elected Associate General Secretary (Service) 2025-2028
Heng bakah hian Executive Secretary – Aizawl Area atan Rev. C. Lalhungliana leh Executive Secretary, Lawngtlai Area atan Rev. Dr. Lalzarliana  te thlan an ni bawk.

Report leh thungaihtuah tlangpui te :
1.    Council of Churches in Mizoram (CCM) Puala Special Sunday neih rawt na chu pawmin Assembly ah thlen remtih a ni a
2.    Pawl hrang hrang pathum hnenah kum khat atan recognition pek ani. Chungte chu 
(Mizoram students Evangelical Union, Foundation For Drug Free Mizoram, Odhisa For Christ)  te an ni.

3 . Fellowship Department Committee in BMP, BHKP, TKP te’n October thla chhungin Bial Rorel neih thin ni tawh se an tih chu Report ngaihthlak a ni.
3.    Fellowship Depertment chuan MTKP President (2025-2028) atan Upa R. Lalbiakzuala BCM Rahsiveng an thlan thu leh Sr. Adviser (2025-2028) atan Upa K. Lalduhawma an thlan thu report ngaihthlak ani.
4.    Serchhip ABC leh Republic Vengthlang Pastor bial ten Bial KNP Inkhawmpui arual tlanga neih an rawtna chu tih rih loh mai nise an tibawk
5.    Mission Board in Missionary pahnih TC. Lalremruata Jharkhand Field leh Lalthlanawma AP West Field te tana serh leh sang khawih theih dilna an thlen chu remtih a ni.