April 10, 2025 (Ningani) Chawhma dar 11;00 khan Shalom Mission Vengthlang Biak In chu Bialtu Pastor Rev. V. Laltlanzuala Bialtu Pastor, Mission Vengthlang Bial in a hawng a. Inkhawm a kai hruai nghal. Upa JC. Japanruna’n Pathian thuchah a sawi.
Biak In sak dan tlangpui report Upa C. Lalnunnema Chairman Building Committee hnen atangin ngaihthlak a ni a, Upa Biakchungnunga leh Upa C. Chawnghnuna te’n Pathianthu an chhiara, Shalom kohhran zaipawl te hnen atangin fakna hla mawi tak ngaihthlak a ni bawk. Inkawm banah zaikhawmna hun hmang lehin tlai lamah Biak In thar hawnna ruai kil ho nghal a ni.
Technical report in a atarlan danin : (RCC framed structure - G + 1 , B + 5)
- Basement – 5 (Chowkidar Quarter)
Floor. Area - A dung - 65 ft, a vâng - 27 ft. Hei hian Chowkidar qtrs 33 ft × 27 ft bakah Verandah 31 ft × 27 ft a huam a. Chowkidar quarters hian, choka cum Dinning room, Bedroom 2 leh Bathroom - 1 a huam.
- Basement – 4 (Chowka)
Floor Area - 65 ft - a vâng - 42 ft niin hetah hian room a dung 21 ft leh a vâng 20 ft a khung a, Toilet - 3 leh Bungbel dahna changkang tak a dung - 31 ft leh a vâng - 6 ft a awm bawk.
- Basement – 3 (Dinning Hall)
Floor Area - a dung 65 ft, a vâng – 55 ft a ni a. Toilet – 4 bakah kut silna a rual a mi 19 in kut sil theihna a awm.
- Basement – 2 (Tanky Floor)
Floor Area - 66 ft - a vâng – 42 ft a ni a. Hetah hian heng te hi siam a ni. Female Toilet - Mi 5 a ruala inthiar theihna leh kut silna, Darthlalang nen dah a ni bawk. Male Toilet - mi 5 a ruala inthiar theihna bakah a ruala mi 6 zun theihna leh kut silna a ruala mi 3 kut sil theihna siam a ni. Darthlalang dah a ni bawk. Heng bakah hian Water storage Tanky a dung 16 ft, a vâng 9 ft, a san zawng 8 ft siam a ni a, tui 23,184 litres dawng thei tura chhut a ni.
- Basement – 1
(Kohhran Hall) Floor Area - 78 ft - a vâng – 66 ft a ni a, Hetah hian Toilet – 2, Power control Panel room leh Hall a awm.
- Ground Floor
(Parking) Floor Area – a dung 75 ft - a vâng - 68 ft a ni a. Hemi floor-ah hian Kohhran Committee Meeting room a dung 48 ft 8 inches; a vâng 26 ft 8 inches bakah Hmeichhia leh mipa inthiarna a dung 26 1 2 ft a vâng 19 ft 7 inches leh Disable Toilet pakhat siam a ni a, Committee choka siam tel a ni bawk. Store room a awm bawk.
- First Floor (Church level)
Floor area – A dung 80 ft; a vâng 64 ft. Inkhawmna bik area – a dung 57 ft; a vâng – 49 ft. Hetah hian Vestry leh Toilet leh Store room a awm a, Baptisma channa khur a awm bawk.
