Asia Pacific Baptist Federation Golden Jubillee lawmna-a an hun hman tur inbuatsaihna atan BCM Choir chuan Worship Department ruahman angin August – October thla chhung hian Pathianni zing leh Pathianni zan-ah te Lunglei khawpui chhunga Kohhran hrang hrang tlawha rawngbawlna neiin an kal kual mek a. BCM Office-a thawk kohhran hruaitu ten kaihruai in rawngbawlna hun an hmang thin a ni.
August 13, Pathianni zing inkhawm-ah BCM Zohnuaiah General Secretary Rev. R. Lalbiakliana hovin hun an hmang a, zan lamah BCM Kikawnah Rev. Dr. Lalzarliana, Director, Communication Department kaihhruaina-in hun an hmang bawk.
August ni 20 Pathianni zing-ah hian Rev. Dr. Lalzarliana, Director Communications Dept. hovin BCM Theiriat venglai an tlawh leh ang a, Pathianni zanah Pu Lalruatkima, Administrative Officer hovin BCM Lunglawn East-ah hun an hmang leh dawn a ni.
