August 8-9, 2025 (Zirtawpni zan aţanga Inrinni zan) thleng hian BCM Choir te chuan BCM Biak In Ramthar Lunglei-ah Retreat an nei a. Retreat Speaker atan Worship Director Rev. K. Lalnunsanga chu hman a ni. A ni bakah hian Resource person atan:
Rbt.C. Lalnunpuia, Pu Lalduhawma Chhakchhuak leh Upa C. Saihmingliana te ruat an ni.
Retreat hi Zirtawpni zanah ţanin: Upa C. Lalremsiama’n inkhawm a kai hruai a, General Secretary Rev. Dr. H. Lalthlamuana’n Keynote Address sawiin. Resource Person : Rbt C. Lalnunpuia’n ‘Praise & Worship’ tih thupuia hmangin hun a hmang.
Fellowship neih chhunzawm nghal a ni a, Pu Lalrinmawia Ralte Conductor-in a kai hruai a ni.
Retreat-ah hian Resource person te hian chan insemin, Topic hrang hrang Praise &Worship tih te, Solfa chung chang te, Zaipawl inkaihhruaina leh Decipline tih thupui hmang tein hun an hmang a. Speaker Rev. K. Lalnunsanga Worship Director chuan ‘Thlarauva chibai buk’ tih thupui hmangin thuchah ţha tak leh ngaihnawm tak a sawi a ni.
