Mizoram Baptist kohhrana thawktu te chuan January 8, 2025 (Nilaini) chawhma dar 11;30 khan In hlan tharna hun an hmang. Lunglei-ah chuan Headquarters Office, Serkawn leh Lunglei khawpui chhunga kohhran zirna in leh Office hrang hranga thawktute puala inhlantharna hi BCM Hall Serkawn-ah an nei a, Upa Dr. Lalramzauva, Directo,r Medical & Health Department-in inkhawm a kai hruaia, Pi C. Lalawmpuii, Principal, BES Serkawn in Pathian thu chhiarin tawngtaina a neih hnu ah General Secretary Rev.Dr. R. Lalbiaklianan thawktute lawmna leh chibai bukna sawiin, BCM dinhmun leh hmalakna tlangpui a tarlang bawk.
Department hrang hrang atanga kalte inchhiarna leh in hmelhriattirna Upa K. Lalrohlua Director, Finance Departmentin a nei a, HATIM, Baptist Printing Press Serkawn, Baptist Higher Secondary School Serkawn te hnen atangin Special item ngaihthlak niin, Rev. Dr. Lalzarliana, Director, Communications, Literture & Printing Department-in malsawm tawngtaiin inkhawm a khar a ni. He hunah hian Headquarters Lunglei ah thawktu mi 380 zet an tel thei a ni.
Hemini vek hian Aizawlah pawh Baptist Centre Falkland ah inhlan tharna inkhawm neiin thawktu mi 70 chuang an kal khawm a, Rev. Dr. C. Vanlaldika, Chairman Elect BCM in Inkhawm kaihruaiin, Rev. Dr. B. Lalramhluna, Vice Principal AICS-in hunserh a hmanga, ES Office Staff & BLS Staff leh AICS Staff ten special item tiin, Rev. R. Lalrintluanga, Executive Secretary, Aizawl-in thuchah a sawi
Lawngtlaia thawktu te pawhin BCM Bazar Hall ah inhlantharna hi hmangin, Thawktu mi 60 zet an kal khawm a, Inhlan tharna hun hi Lawngtlai Area Development Working Committee (LADWC) Chairman Rev. Tc. Vanlalmalsawma’n kaihruaiin, Rbt. K. Lalkawngdika, Counsellor, Baptist Counselling Centre, Lawngtlai-in hunserh a hmang. Rev. David Lalmalsawma Sailo, Lawngtlai North Bialtu Pastor hnen aแนญangin thuchah ngaihthlak niin, Christian Hospital Lawngtlai a thawktute hnen aแนญangin Group zai leh Tv. Oscar Zaihmingthanga hnen aแนญangin mal zai rawngbawlna ngaihthlak a ni bawk. Rev. Dr H. Lalthlamuana, Executive Secretary, Lawngtlai Area hnen aแนญangin fuihna thu ngaihthlak niin, Thawktute inhlan tharna hun neih a nih hnuah Rev. Fanai Lalnunmuana, Chaplain, Christian Hospital Lawngtlai-in malsawmnain hun a khar a ni.
Heng bakah hian Regional Office leh Mission Field hrang hrangah pawh Field Director te kaihhruaina in Missionary leh thawktuten he Ni hi urhsun takin an hmang a ni.
